Imperayag 20:5 - Ke meupiya ne tudtul mekeatag ki Hisu Kristu

⁵ Ne ini se kegkevanew ran ne ini ke neuna ne kegkevanew rut te menge minatey. (Ugaid ne ke ruma ne menge minatey ne kenà pà egkevanew taman te kenà egkepupus arà se sengivu ne rahun.)

Imperayag 20:5 ပူးပေါင်းရင်းမြစ်များ

Lucas 14:14

Ne embiya ini se ed-ul-ulaan nu ne dekelà se kegkehalew nu. Su kenà ke ma nikandan egkevayaran, ugaid ne Eleteala se ebales keykew ketà te akir din ne hewii te kegkevanew te menge etew ne metidtu se ulaula.”

Ruma 11:15

Su ketà te mid-engkenà te Eleteala ke menge Hudiyanen, ne ini se menge etew ne kenà Hudiyanen se mibpekid-ulit kandin. Ne wey pè be kenà muna pà se kerekelà te penaub dut te Eleteala ketà te ebpekid-ulit en maa ke menge Hudiyanen te kebperetiyaya. Su iring te menge etew ne minatey ne nevanew en maa.

Pilipus 3:11

su egkepenareng ku te embiya ebpatey a ne ebenawen e red te Eleteala su apey a ebpekeubpà diyà te kandin.

1 Tiselunika 4:16

Su iyan egked-ulaula te arà ne hewii ne ed-umewan dut te Kerenan tew ke menge mibperetiyaya diyà te kandin. Ne egkerineg ta rema ke ked-umew rut te pinekemepurù ne suluhuen te Eleteala wey ke dahing dut te budyung te Eleteala. Ketà ne ebpemenaug si Hisu Kristu ke Kerenan tew ne ebpuun te langit. Dutun ne egkeuna egkevanew ke langun ne mibperetiyaya ne minatey en.

Imperayag 11:11

Ugaid ne embiya egkeipus en ke tetelu wey tengà ne hewii, ne ibpeulit en dut te Eleteala ke hinawa ran su egkeuyag ded ne ed-itindeg. Ne egkeandek nevenar ke langun ne menge etew ne ebpekekita kandan.

Imperayag 11:15

Dutun ne mibperiyup te budyung din ini se ikepitu ne suluhuen te Eleteala, ne ruen nerineg ku ne merakel ne menge suwara ne merahing diyà te langit ne migkahi te, “Egenat guntaani ne warà en duma pà ne edatù kayi te kelibutan ke kenà ke Kerenan ne Eleteala wey ke Impasad din ne Ebperetuen te langun ne si Kristu, ne edatù sikandin taman te taman.