Imperayag 2:7 - Ke meupiya ne tudtul mekeatag ki Hisu Kristu

⁷ “‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. Piya engkey ne etew ne kenà egkegaga dut te penggeram te datù te pekaid, ne edtuhutan ku ne ebpekekaan dut te bahas te kayu ne ebpuunan te umur ne warà edtemanan din ne impemula ketà te ed-ubpaan te Eleteala.’”

Imperayag 2:7 ပူးပေါင်းရင်းမြစ်များ

Mateo 11:15

Tembù be,” ke si Hisus, “itaan niyu ke telinga niyu kayi te migkahi ku ini!”

Mateo 13:43

Ugaid ne ke menge metidtu ne etew su sakup te Eleteala, ne ed-anlag dan iring te andew diyà te Edetuan te Amey ran ne Eleteala. Ne itaan niyu ke telinga niyu kayi te nerineg niyu.”

Mateo 13:9

Itaan niyu ke telinga niyu,” ke si Hisus, “kayi te migkahi ku ini.”

Marcos 4:9

“Tembù be,” ke si Hisus, “itaan niyu ke telinga niyu kayi te migkahi ku ini.”

Marcos 7:15

Kenà iyan ebpekeredsik te etew ini se egkeenen ne ebpekeawuk te bèbà din, ugaid ne iyan ebpekeredsik te etew ini se netahù te hinawa rin ne ebpekelihawang kayi te bèbà din. [

Marcos 7:16

Itaan niyu ve ke telinga niyu kayi te migkahi ku ini!]”

Lucas 23:43

Ne migkahi si Hisus kandin te, “Igkahi ku kenikew te ini en ne andew ne ebpekeruma ka kedì riyà te langit.”

Lucas 8:8

Duen ded dema insawed din ne riyà nengeulug te meupiya ne tanà ne midtuvù ini ne nekevahas te meupiya su mibpengupiya nevenar se bahas din.” Ne migkahi pà maa si Hisus te, “Itaan niyu ve ke telinga niyu kayi te nerineg niyu.”

Juan 16:33

“Langun kayi ne migkahi ku keniyu,” ke si Hisus, “su apey ebmelintad ke hinawa niyu te kebpekidseveka niyu kediey. Su kayi te ampew te dunya ne edresayen kew te menge etew ne ed-engkenà kediey. Ugaid ne misan iring ketà ne kenà niyu ebpilaya ke hinawa niyu, su netalew ku en ke datù te pekaid ne migkamal kayi te ampew te dunya!”

1 Kurintu 2:10

Ugaid ne guntaani ne ayan se in-eles din dengan ne mibpesebutan din en kenami te kayi rin impepevayà dut te Kedesenan ne Ebpetuntul te Menusiyà. Su egketuenan te Kedesenan ne Ebpetuntul te Menusiyà ke langun ne itungan te Eleteala, misan pà ke menenem ne itungan din.

2 Kurintu 12:4

Ne riyà te langit ne ruen nerineg ku ne kenà ku en egketuenan te egkahi, ne kenà idluhut rema te Eleteala te ibpemenudtul ku arà.

1 Juan 2:13

Ne sikiyu ne menge lukes ne meama, edsuratan ku sikiyu su mibpekidseveka kew en ki Hisu Kristu, ne daan en sikandin te warà pà limbaha te misan engkey en. Ne sikiyu ne menge menguwed, edsuratan ku sikiyu, su warà kew megaga te kebpenggeram dut te datù te pekaid.

Imperayag 13:9

Itaan niyu ke telinga niyu ne pemineg kew.

Imperayag 14:13

Ne ketà ne ruen suwara diyà te langit ne nerineg ku ne edlalag kediey ne migkahi te, “Isurat nu ini: Igenat guntaani ne egkehalew ke menge etew ne ebpatey embiya mibperetiyaya en ki Hisus ke Kerenan. “Benar iyan,” ke migkahi te Kedesenan ne Ebpetuntul te Menusiyà. “Egkehalew ran su ebpekeimeley ran dut te mepasang ne helevek dan su ruen lalew ran dut te meupiya ne mid-ulaula ran.”

Imperayag 15:2

Dutun ne ruen nekita ku ne iring te ranew ne metingew nevenar su iring en te pehelungan, ugaid ne nekedsawug te apuy. Ne nekita ku rema ketà ke langun ne menge etew ne neketavan dut te mekeandek ne binatang, su warà dan mebpengarap kandin ne warà dan mebpengarap te ledawan ne iring dut te paras din, ne warà dan dema mebpetiyap te tuus ne rumiru te ngaran din. Ne ebpengitindeg dan diyà te beyvey te ranew ne metingew, ne ruen egkeviten dan ne ke ed-ingaranan te harpa ne imbehey kandan te Eleteala.

Imperayag 2:11

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. “‘Piya engkey ne etew ne kenà egkegaga dut te penggeram te datù te pekaid ne kenà ibpependiyà te Eleteala te apuy nerakà ne arà ke ikeruwa ne kemetayen.’”

Imperayag 2:17

“Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. “Piya engkey ne etew ne kenà egkegaga dut te penggeram te datù te pekaid, ne ebehayan ku te egkeenen diyà te langit ne warà pà mekita te menge etew. Ne ebehayan ku rema sikandin te meputì ne batu ne insurat dutun ke behu ne ngaran din ne iyan dà netau ne ke ebehayan.”

Imperayag 21:7

Ne piya engkey ne kenà egkegaga rut te penggeram te datù te pekaid ne ibehey ku kandin ini se umur, ne siaken ke Eleteala rin ne anak ku rema sikandin.

Imperayag 22:14

Ne ke menge etew ne mibpemìpì te belegkas dan ne in-upama te menge etew ne edlinis dut te salà dan ne egkehalew nevenar, su egkepakey ran ne edlusud dut te bengawan ketà te inged te Eleteala wey egkepakey ran ne egkaan ketà te bahas te kayu ne ebpekevehey te umur.

Imperayag 22:17

Ketà ne ke Kedesenan ne Ebpetuntul te Menusiyà wey ke menge etew ne mibperetiyaya ne in-upama rut te ed-esawaan te Nati te Bilibili ne ed-umew ran se egkahi te, “Kayi kew en su apey kew ebpekeamung.” Iring ded dema ke langun ne nekerineg kayi ne iyan iya se med-umew ran dema se egkahi te, “Kayi kew en.” Langun niyu ne ed-umew ran keniyu su apey piya engkey keniyu ne ebpekeinum ne egkiyug ne ed-inum kayi te wayig ne mebpengkayi su ibehey ini dè duen, ne ebehey te umur ne warà edtemanan din.

Imperayag 22:2

Ne edtudà arà se wayig ketà te luuk te ralan te inged. Ne riyà te idsengeriveluyà dut te wayig ne ruen menge kayu ne impemula ne ebpekevehey te umur. Lusud te senge rahun ne ebahas te kesepulù wey deruwa su uman bulan ne ebahas. Ne arà se dawun din, ne ebpekevawì te langun ne menge etew dut te ampew te dunya.