Imperayag 2:17 - Ke meupiya ne tudtul mekeatag ki Hisu Kristu

¹⁷ “Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. “Piya engkey ne etew ne kenà egkegaga dut te penggeram te datù te pekaid, ne ebehayan ku te egkeenen diyà te langit ne warà pà mekita te menge etew. Ne ebehayan ku rema sikandin te meputì ne batu ne insurat dutun ke behu ne ngaran din ne iyan dà netau ne ke ebehayan.”

Imperayag 2:17 ပူးပေါင်းရင်းမြစ်များ

Mateo 13:11

Migkahi si Hisus te, “Sikiyu ne edurumaruma kediey, ne ebpesebutan en te Eleteala rut te in-eles dengan mekeatag te Kedatù te Eleteala te menge etew, ugaid ke ruma ne menge etew ne ibpenurù kandan te ibpepevayà te menge sempità.

Marcos 7:16

Itaan niyu ve ke telinga niyu kayi te migkahi ku ini!]”

Juan 4:32

“Kaan kew en,” ke si Hisus, “su ruen egkeenen ku ne warà niyu metueni.”

1 Kurintu 2:14

Ugaid ne ke menge etew ne kenà ebperetiyaya ne warà pà metehui te Kedesenan ne Ebpetuntul te Menusiyà, ne kenà dan ebpeketelimà dut te ibehey te Kedesenan ne Ebpetuntul te Menusiyà. Ne kenà dan ma egkesebutan su iyan dan pegitungan ne warà pantag din. Uya, kenà dan ebpekesabut ketà su warà pà meketahù diyà te hinawa ran ke Kedesenan ne Ebpetuntul te Menusiyà ne edtavang kandan su apey ran egkesebuti.

Kulasi 3:3

Su sikitew ini se mibperetiyaya ne ebpekeiring te nekeunung ki te kinepatey ni Hisus, ugaid ne neuyag ded ma. Su ruen behu ne umur tew ne warà pà mebpayag ne ebentayan en te Eleteala su atag ki Hisu Kristu.

Imperayag 14:3

Na ini se mehatus wey epat nepulù wey epat nengivu ne menge etew ne riyà mid-itindeg te etuvangan te ebpinuuwan te ebpinuu ne edatù wey ke epat ne nelimbag wey ke menge pekilukesen. Ne migkanta ran te behu ne kanta ne sikandan dà se metau ne ed-iring ketà te behu ne kanta su sikandan ke impeliyu rut te Nati te Bilibili te salà dan diyà te ampew te dunya.

Imperayag 19:16

Iyan insurat diyà te kumbalà din wey diyà te buvun din ne, “Datu dut te langun ne menge datù wey Mepurù dut te langun ne ruen bayàbayà din.”

Imperayag 2:11

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. “‘Piya engkey ne etew ne kenà egkegaga dut te penggeram te datù te pekaid ne kenà ibpependiyà te Eleteala te apuy nerakà ne arà ke ikeruwa ne kemetayen.’”

Imperayag 2:7

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. Piya engkey ne etew ne kenà egkegaga dut te penggeram te datù te pekaid, ne edtuhutan ku ne ebpekekaan dut te bahas te kayu ne ebpuunan te umur ne warà edtemanan din ne impemula ketà te ed-ubpaan te Eleteala.’”

Imperayag 3:22

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya.’”

Imperayag 3:6

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya.’”