Imperayag 19:8 - Ke meupiya ne tudtul mekeatag ki Hisu Kristu

⁸ Ne ruen imbehey kandin ne belegkas ne mepmeputì wey mesihey ne mepmeputì wey mesihey te ebpengesawaan.” (Ne iyan meana dut te mepmeputì ne belegkas din ne ke metidtu ne ed-ul-ulaan te menge etew ne mibpesakup te Eleteala.)

Imperayag 19:8 ပူးပေါင်းရင်းမြစ်များ

Mateo 17:2

Guna su ketà dan en ne midtengtengan dan si Hisus ne netekew nedsalin ke kebpeparas din su mid-anlag ini se buked din iring te andew. Ne mibpeneringsing ke velegkas din te keputì.

Mateo 22:12

‘Mama,’ ke se datù, ‘engkey se kinepekelusud nu kayi te warà ka mibevelegkas te idtelavuk te kewingan?’ Ugaid ne warà migkahikahi ke meama.

Marcos 9:3

Ne mibpeneringsing ke velegkas din te keputì su warà misan engkey ne kayi te ampew te dunya ne ebpekemeputì iring kayi.

Lucas 24:4

Gewii ran te ed-it-itindeg ketà se neliveg, ne neketekew en nekeitindeg se deruwa ne meama ne ebpeneringsing se velegkas dan.

Nenged-ulaula 1:10

Edlingakà dan pà diyà te langit se edtengteng te kebetuneen kandin, ne netekew en se deruwa ne meama ne mibevelegkas te meputì ne nekeitindeg diy te uvey ran

Ruma 13:14

Ne kenà kiyu en eduma rut te meraat ne kiyug te lawa tew, ugaid ne iyan tew ed-iringan ne si Hisu Kristu wey ke ulaula rin, su timbang te sikandin ke limbutung tew ne ed-alang keytew.

Ruma 3:22

Ne ini ke impayag din ne ralan te embiya ebperetiyayaan tew si Hisu Kristu ne iyan kedtengteng te Eleteala keytew ne metidtu ki riyà te etuvangan din. Su piya engkey ne etew ne ebperetiyaya ki Hisu Kristu ne iyan kedtengteng kandin te Eleteala ne metidtu diyà te etuvangan din, su warà ebpedlebien din dut te menge etew.

Imperayag 15:4

Is Kerenan, sikuna ke ed-edatan wey edeyuen dut te langun ne menge etew su sikuna rà ke ed-ulaula te metidtu nevenar. Tembù be ke menge etew diyà te langun ne menge inged ne ed-uvey keykew ne ebpengarap, su impekita nu en kandan ke langun ne mid-ulaula nu ne metidtu nevenar.”

Imperayag 15:6

Ketà ne nekita ku ne midlihawang ini se pitu ne suluhuen te Eleteala ne ed-ewit te pitu ne susun ne idrasey ran te menge etew. Mibevelegkas dan te mèmeputì ne velegkas ne ebpeneringsing, ne inselauy ran te kumeng dan ke vulawan.

Imperayag 19:14

Langun dan ne diyà te langit ne ebpeninundug kandin iring te menge sundaru ne edtinundug dut te mepurù dan. Ne ebpenguntud dan dema te meputì ne menge kudà, ne mibpengbevelegkas dan te memeputì ne velegkas ne mesihey.

Imperayag 3:18

Tembù be ibpemandù ku keniyu ne pemesaa niyu kayi te kedì ini se tidtu ne bulawan ne intuug diyà te apuy ne in-upama te kebperetiyaya niyu kediey su apey ke kegkewasa niyu ne benar. Ne pemesaa niyu rema kayi te kedì ini se meputì ne belegkas su apey ibevelegkas niyu ne egkeawà ke kegkeyeyai niyu te nekegkedew. Ne pemesaa niyu rema kayi te kedì ini se bawì te mata su apey ibawì te mata niyu ne ebmerayag se kedtengteng niyu.