Imperayag 19:5 - Ke meupiya ne tudtul mekeatag ki Hisu Kristu

⁵ Dutun ne ruen midlalag diyà te uvey te ebpinuuwan te Eleteala ne edatù ne migkahi te, “Deyua niyu ke Eleteala tew, langun niyu ne eduma te Eleteala tew, ne langun niyu ne ed-adat kandin misan ke mepurù mevavà, deyua niyu sikandin!”

Imperayag 19:5 ပူးပေါင်းရင်းမြစ်များ

Imperayag 13:16

Ne mibpehes dema dut te ikeruwa ne binatang ke langun ne menge etew te ebpetiyap kayi te kewanan ne velad dan etawa riyà te buked dan misan mepurù mevavà ne menge etew, kewasa wey ayuayu, uripen etawa kenà.

Imperayag 16:17

Na ini se ikepitu ne suluhuen te Eleteala ne mid-ulaan din diyà te kewkewangan ke idrasey ne netahù te lediyà din. Ne ruen merahing ne suwara ne nerineg ku ne riyà ebpuun te ebpinuuwan dut te edatù diyà te Nekebpuru ne Valey te Eleteala diyà te langit ne migkahi te, “Nepupus en!”

Imperayag 19:18

Burun kew ne penuktuka niyu ke sapù dut te menge datù, menge kepitan wey menge sundaru. Penuktuka niyu rema ke sapù dut te menge kudà wey ke menge ed-untud ketà. Burun kew ne penuktuka niyu ke sapù te langun ne menge etew, uripen se kenà uripen, mepurù se mevavà.”

Imperayag 20:12

Ne nekita ku ke langun ne menge minatey ne nevanew en ne mepurù mevavà ne ed-itindeg diyà te etuvangan te ebpinuuwan dut te edatù. Ruen menge riberù ne miberat wey arà se riberù ne ruen insurat ne menge ngaran dut te menge etew ne mibehayan te umur ne warà edtemanan din ne miberat dema. Ketà ne midrenaan din te kukuman ke langun ne menge etew su atag dut te insurat kayi te menge riberù mekeatag te mid-ulaula ran te biviyag dan pà su langun ketà ne insurat diyà te menge riberù.

Imperayag 7:15

Tembù be diyà dan ebpekeitindeg te etuvangan dut te ebpinuuwan te edatù, su apey egelevek dan kandin diyà te Nekebpuru ne Valey rin te merukilem meandew. Ne ke Eleteala ne ebpinuu ne edatù se edtuganur kandan.