Imperayag 19:3 - Ke meupiya ne tudtul mekeatag ki Hisu Kristu

³ Ne mibensag dan maa se egkahi te, “Edeyuen tew ke Eleteala, su ke apuy ne ebpekevinsul keniyan te inged ne ed-evel taman te taman.”

Imperayag 19:3 ပူးပေါင်းရင်းမြစ်များ

Hudas 1:7

Ne tentenuri niyu rema ke menge inged ne Suduma wey Gumura wey ke menge inged ne nekelingut ne nereetan en. Su iring se mid-ulaula ran dut te menge suluhuen te Eleteala rengan ne nekesahad se keredsik te perangey ran te edsalàsalà ne ebpeulirey ke elin ded meama. Ne edresayen te Eleteala sikandan diyà te apuy nerakà ne kenà egkeevukan su apey egkeendekan ke menge etew ne ed-iring ketà.

Imperayag 14:11

Ne ini se apuy ne edrasey kandan ne egkeregreg taman te taman. Ne ini se keresayan dan te merukilem meandew ne kenà egkeawà su mibpengarap dan ke binatang wey ke ledawan ne mibeelan dan ne iring te paras din, ne mibpetiyap dan dema dut te tuus te ngaran te binatang.”

Imperayag 18:18

se edsandeng dut te evel te arà ne inged ne netutung ne ebensag dan se egkahi te, “Warè en inged ne ebpekerepeng te kevaher te ini ne inged!”

Imperayag 18:9

Na ini se menge datù dut te ampew te dunya ne mibpengingniyug kandin wey miduma rut te meraat ne kiyug din ne ebpeninehew wey ebpemenderawit te egkekita ran ke evel dut te arà se inged ne edtutungen ne in-upama te tengerihen ne meritan.

Imperayag 19:1

Dutun ne ruen nerineg ku ne iring te kehurub te denda ne menge etew diyà te langit se egkahi te, “Edeyuen tew ke Eleteala, su sikandin dà se ibpurù tew, uya, sikandin dà se ruen dekelà ne gehem din, ne sikandin dà se ebpeliyu keyta rut te salà tew.

Imperayag 19:4

Ketà ne midlumpeng ke deruwa nepulù wey epat ne pekilukesen wey ke epat ne nelimbag te Eleteala su ebpengarap te Eleteala ne ebpinuu diyà te ebpinuuwan din te edatù. Ne migkahi ran te, “Egketuman ini. Edeyuen tew ke Eleteala!”