Imperayag 19:14 - Ke meupiya ne tudtul mekeatag ki Hisu Kristu

¹⁴ Langun dan ne diyà te langit ne ebpeninundug kandin iring te menge sundaru ne edtinundug dut te mepurù dan. Ne ebpenguntud dan dema te meputì ne menge kudà, ne mibpengbevelegkas dan te memeputì ne velegkas ne mesihey.

Imperayag 19:14 ပူးပေါင်းရင်းမြစ်များ

Mateo 21:5

“Kehiya niyu diyà te menge etew te Hirusalim te, ‘Ebpekeuma en ke datù niyu! Meamuk sikandin ne ed-untud te nati te kudà, uya, ed-untud te anak te kudà, ke binatang ne eduranan.’ ”

Mateo 26:53

Maa, warà nu ves metueni te egkepakey ne ebuyù a te tavang diyà te Amey ku ne Eleteala, ne seguguneey ne ibpepengkayi rin ke egngivuwan ne suluhuen din?

Mateo 28:3

Ne ke paras din ne egkinrab iring te kilat, ne mibpeneringsing te keputì te velegkas din.

2 Tiselunika 1:7

Su ebpekeuma ke hewii ne ibpeengked te Eleteala ke keresayan ne egkeheram ta guntaani, su ebpeimelayen ki ketà te kedlived ni Hisus kayi ne edumaan dut te mekegehem ne suluhuen din.

Hudas 1:14

Su si Enoc ne ikepitu ne kevuwaran igenat te si Adan se impekahi te Eleteala rengan mekeatag te egketemanan dan ne ini se impekahi rin, “Ebpekeuma si Hisus ke Kerenan tew ne edumaan te suluhuen din ne egngivungivuwan

Imperayag 14:1

Neipus arà ne nekita ku ke mid-ingaranan te Nati te Bilibili ne ed-it-itindeg diyà te buvungan te Siyun. Ne ruen ruma rin ne mehatus wey epat nepulù wey epat nengivu ne menge etew ne ruen insurat diyà te buked dan ke ngaran dut te Nati te Bilibili wey ke ngaran dut te Eleteala ke Amey rin.

Imperayag 14:20

Ne ini se edtehuan te egkekeres ne bahas te paras ne riyà te liyu te inged. Ne ruen lengesa ne midtudà ketà iring te dalem ne nekeuma te tetelu nehatus wey deruwa nepulù ne kilumitru, ne ke keralem din ne senge meyterù wey tengà.

Imperayag 17:14

Ne ebpekibunù dan dut te Nati te Bilibili, ugaid ne ini se Nati te Bilibili wey ke menge sakup din se edtavan kandan. Su sikandin dà ke Mepurù dut te langun ne kerenan wey sikandin se Mepurù dut te langun ne menge datù. Ne langun ne sakup din ne ke menge etew ne mibpemilì te Eleteala ne mibpeperetiyaya wey metinumanen kandin.”

Imperayag 19:11

Neipus arà ne nekita ku ke langit ne nepuwasan ne ruen ketà meputì ne kudà. Ne iyan ngaran dut te mid-untud ketà ne si Kedserihan wey si Benar su ini se kegkukum din ne metidtu ne ini se ked-atu rin dut te menge kunterà din ne metidtu red dema.

Imperayag 19:8

Ne ruen imbehey kandin ne belegkas ne mepmeputì wey mesihey ne mepmeputì wey mesihey te ebpengesawaan.” (Ne iyan meana dut te mepmeputì ne belegkas din ne ke metidtu ne ed-ul-ulaan te menge etew ne mibpesakup te Eleteala.)

Imperayag 3:4

“Ugaid ne ruen duma niyu diyà te inged ne Sardis ne warà mevuringi ke belegkas din. Ne iyan din meana ne warà med-amung te meraat ne ulaula. Ne sikandan se ebpekeruma kediey ne ebevelegkas te meputì, ne edait ini su mid-up-upiya ran te ed-ul-ulaan dan.

Imperayag 4:4

Ruen deruwa nepulù wey epat ne ebpinuuwan ne nekelingut kayi te ebpinuuwan din ne ruen deruwa nepulù wey epat ne pekilukesen ne ebpinuu ketà. Mibevelegkas dan te meputì ne ruen inseluluy ran ne bulawan.

Imperayag 7:9

“Neipus arà ne ruen nekita ku ne denda ne menge etew ne kenà egkevirang. Riyà dan ebpuun te langun ne edsusunan te menge etew, diyà te langun ne bansa, diyà te langun ne inged wey langun ne kinehiyan te menge etew. Mid-itindeg dan diyà te etuvangan te ebpinuuwan dut te edatù wey riyà te etuvangan dut te Nati te Bilibili. Ne mibevelegkas dan te melayat ne meputì ne kumbalà ne mid-ewit dan te dawun te niyug.