Imperayag 18:3 - Ke meupiya ne tudtul mekeatag ki Hisu Kristu

³ Uya, arà se egketemanan din su neewit din ke langun ne menge etew te ebpetevereg dut te binu rin; ne mibpearig kandan te ed-amung te ulaula rin ne meraat. Ne mibpengingniyug kandin ke langun ne menge datù dut te ampew te dunya; ne migkewasa ke menge ebpemendehang kayi te kiyug dut te meritan ne mepurù ke kebpemasa rin.”

Imperayag 18:3 ပူးပေါင်းရင်းမြစ်များ

Lucas 7:25

Engkey ve iya, etew ne mibevelegkas te nepenù te rayandayan? Kenà buwa su ke etew ne mibevelegkas te iring ketà ne meupiya nevenar se egketemanan din ne riyà niyu rà egkekita te turuhan te menge ratù.

1 Timoteo 5:11

Ke menge valu ne meritan ne sesangen pà, ne kenà niyu iamung te edsurat. Su embiya egkeumaan dan te kiyug te kedsaup den pà maa ked-esawa, ne ed-ewaan dan ke helevek dan ki Hisu Kristu.

Imperayag 14:8

Ketà ne ruen ikeruwa ne suluhuen te Eleteala ne nekita ku ne migkahi te, “Na, nereetan en! Nereetan en ini se dekelà ne inged ne ed-ingaranan te Bebilunya! Su mid-ewit din ke langun ne menge etew te ampew te dunya te ed-inum te binu rin ne ebpeketevereg su tuus ini te meredsik ne ed-ul-ulaan din su mid-ubpaan en te karang ini se inged.”

Imperayag 17:2

Ne mibpengingniyug kandin ke langun ne menge datù dut te ampew te dunya, ne langun ne menge etew dut te ampew te dunya ne mibpeewit dema kandin kayi te binu rin ne mibpearig kandan.”

Imperayag 18:19

Ne ebpemeluhu ran te lipupuk te kegkemutu ran ne ebpeninehew wey ebpemenderawit dan se egkahi te, “Ey mekeyruwiru ini se egketemanan din su ini se mevantug wey mevaher ne inged ne nereetan en! Su ini se kekewesai rin se igkewasa rut te langun ne kemuney te menge kapal. Ugaid ne lusud dà te senge uras ne neamin nereeti ke langun ne kekewesai rin.

Imperayag 18:23

Ne iring ded dema ne kenè en egkerineg ke gelingan. Ne warè en rayag dut te sulù ne egkekita ketà, ne warè en egkerineg ne mehalew ne menge lalag diyà te kevurunan te kewingan. Ini se kedusa te inged ne Bebilunya su ke menge etew ne ebpemendahang diyà te inged din ne mevantug wey sikandan se migkewasa dut te langun ne menge etew te ampew te dunya. Ne ruma pà maa ne midlimbung dan te kedwelweliyan dan dut te langun ne menge etew te ampew te dunya.

Imperayag 18:7

Su mibpereyùdeyù sikandin ne midtuman dut te meraat ne kiyug din, ne arà rema se kevehat dut te keresayan wey kemutuwan ne ebpekeuma kandin. Su migkahi arà se meraat ne meritan ne in-upama te arà ne inged, ke sikandin te, ‘Iring a te bai su warè en egkepemengà ku. Kenà a balu, tembù be warè en keresayan ne ebpekeuma kayi te kedì!’

Imperayag 18:9

Na ini se menge datù dut te ampew te dunya ne mibpengingniyug kandin wey miduma rut te meraat ne kiyug din ne ebpeninehew wey ebpemenderawit te egkekita ran ke evel dut te arà se inged ne edtutungen ne in-upama te tengerihen ne meritan.