Imperayag 18:19 - Ke meupiya ne tudtul mekeatag ki Hisu Kristu

¹⁹ Ne ebpemeluhu ran te lipupuk te kegkemutu ran ne ebpeninehew wey ebpemenderawit dan se egkahi te, “Ey mekeyruwiru ini se egketemanan din su ini se mevantug wey mevaher ne inged ne nereetan en! Su ini se kekewesai rin se igkewasa rut te langun ne kemuney te menge kapal. Ugaid ne lusud dà te senge uras ne neamin nereeti ke langun ne kekewesai rin.

Imperayag 18:19 ပူးပေါင်းရင်းမြစ်များ

Imperayag 17:16

Na ini se sepulù ne sidung ne nekita nu ne in-upama te sepulù ne datù, ne sikandan wey ke mekeandek ne binatang ne igkeepes dan ke tengerihen ne meritan ne ed-ehawan dan ke langun ne kearen din taman te warà nesamà misan belegkas din, ne egkeenen dan ini se sapù din wey ebinsulan dan sikandin.

Imperayag 18:10

Ne ebpekeriyù dan se edsandeng su egkeandek ke ebpekeragkes dan dut te kedusa kandin ne egkahi ran te, “Ey mekeyruwiru ini se egketemanan nu, sikew se mevantug wey mevaher ne inged ne Bebilunya, su lusud dà te senge uras ne nekeuma en ke kedusa te Eleteala keykew!”

Imperayag 18:3

Uya, arà se egketemanan din su neewit din ke langun ne menge etew te ebpetevereg dut te binu rin; ne mibpearig kandan te ed-amung te ulaula rin ne meraat. Ne mibpengingniyug kandin ke langun ne menge datù dut te ampew te dunya; ne migkewasa ke menge ebpemendehang kayi te kiyug dut te meritan ne mepurù ke kebpemasa rin.”

Imperayag 18:8

Ne geina te arà se pegitungan din, tembù be egketekew ne ruen ebpekeuma diyà te kandin ne merakel ne keresayan. Su lusud te senge andew rà ne ruen menge daru, kemutuwan wey bitil ne ebpekeuma. Ne edtutungen dema sikandin su dekelà se gehem dut te Kerenan ne Eleteala ne edusa kandin.”