Imperayag 18:18 - Ke meupiya ne tudtul mekeatag ki Hisu Kristu

¹⁸ se edsandeng dut te evel te arà ne inged ne netutung ne ebensag dan se egkahi te, “Warè en inged ne ebpekerepeng te kevaher te ini ne inged!”

Imperayag 18:18 ပူးပေါင်းရင်းမြစ်များ

Imperayag 13:4

Ne mibpengarap dut te langun ne menge etew ke tendayag su sikandin se mibehey te kebayàbayà dut te mekeandek ne binatang. Ne mibpengarap dan dema ke mekeandek ne binatang, ke sikandan te, “Warà ebpekerepeng kayi te mekeandek ne binatang! Warà ebpekeatu kandin!”

Imperayag 14:11

Ne ini se apuy ne edrasey kandan ne egkeregreg taman te taman. Ne ini se keresayan dan te merukilem meandew ne kenà egkeawà su mibpengarap dan ke binatang wey ke ledawan ne mibeelan dan ne iring te paras din, ne mibpetiyap dan dema dut te tuus te ngaran te binatang.”

Imperayag 16:19

Ne ke rekelà ne inged ne Bebilunya ne migintaang ke tanà te tetelu ne vaad, ne langun dema ne menge inged te ampew te dunya ne nereetan en. Uya, warà melipati te Eleteala ke meraat ne ed-ul-ulaan dut te menge etew te inged ne Bebilunya, tembù be ibpeinum din kandan ke binu diyà te basù din ne tuus te kegkeepes din su midusa rin sikandan te mevaher.

Imperayag 18:16

se egkahi te, “Ey mekeyruwiru arà se egketemanan din dut te arà se mevantug wey mevaher ne inged ne nereetan en! Rengan ne mibevelegkas ke menge etew ketà te kumbalà ne sida ne mehuridtem wey merihà. Ne ruen indayandayan te lawa ran ne mibeelan te bulawan, mepurù ne menge batu wey menge pirlas.