Imperayag 18:11 - Ke meupiya ne tudtul mekeatag ki Hisu Kristu

¹¹ Ne ini se menge ebpemendahang kayi te ampew te dunya ne ebpeninehew wey ebpemenderawit dema su atag dut te kedereeti te arà ne inged su warè en ebpemasa te menge dehangan dan.

Imperayag 18:11 ပူးပေါင်းရင်းမြစ်များ

Mateo 22:5

“Ugaid ne warà dan medsehipà su iyan dan midsinaru ke kandan ne ed-ul-ulaan. Ini se senge etew ne mibpendiyà te pengengewiran din, ne ke senge etew ne diyà te tindà din,

Juan 2:16

Ne migkehiyan din en ke menge etew ne ebpemendehang te melipati te, “Ipengawà niyu ayan! Kenà niyu beeli ne pedian ini se Baley te Amey ku ne Eleteala!”

2 Pedro 2:3

Ne ini se ebpenurù te tarù ne merakel se ibpenurù dan ne ebèbeelan den dà su ebpementiyari ran kayi te keniyu su egkeeram-am dan te pirak. Ini se menge etew ne neuhet dà ne impenehana te Eleteala ke kedusa rin kandan. Ne kenà edlipereng ke Eleteala, tembù be ke kedusa rin kandan ne ebpekeuma iya.

Imperayag 18:15

Ne ini se ebpemendahang ne migkewasa rut te kebpemendahang dan ketà te inged ne ebpekeriyù dan se edsandeng su egkeandek ke ebpekeragkes dan dut te kedusa kandin. Ne ebpeninehew ran wey ebpemenderawit

Imperayag 18:20

Ugaid ne sikiyu ne ed-ubpà diyà te langit, ne egkehalew kew su nereetan en ini se inged. Ne egkehalew rema ke sikiyu ne mibperetiyaya te Eleteala wey sikiyu ne menge kedserihan ni Hisu Kristu wey sikiyu ne mibpelambas te Lalag te Eleteala, su midusa en te Eleteala ini se inged atag dut te mid-ulaula rin ne meraat keniyu.”

Imperayag 18:23

Ne iring ded dema ne kenè en egkerineg ke gelingan. Ne warè en rayag dut te sulù ne egkekita ketà, ne warè en egkerineg ne mehalew ne menge lalag diyà te kevurunan te kewingan. Ini se kedusa te inged ne Bebilunya su ke menge etew ne ebpemendahang diyà te inged din ne mevantug wey sikandan se migkewasa dut te langun ne menge etew te ampew te dunya. Ne ruma pà maa ne midlimbung dan te kedwelweliyan dan dut te langun ne menge etew te ampew te dunya.

Imperayag 18:3

Uya, arà se egketemanan din su neewit din ke langun ne menge etew te ebpetevereg dut te binu rin; ne mibpearig kandan te ed-amung te ulaula rin ne meraat. Ne mibpengingniyug kandin ke langun ne menge datù dut te ampew te dunya; ne migkewasa ke menge ebpemendehang kayi te kiyug dut te meritan ne mepurù ke kebpemasa rin.”

Imperayag 18:9

Na ini se menge datù dut te ampew te dunya ne mibpengingniyug kandin wey miduma rut te meraat ne kiyug din ne ebpeninehew wey ebpemenderawit te egkekita ran ke evel dut te arà se inged ne edtutungen ne in-upama te tengerihen ne meritan.