Imperayag 18:1 - Ke meupiya ne tudtul mekeatag ki Hisu Kristu

¹ Dutun ne ruen nekita ku ne ruma pà maa ne suluhuen te Eleteala ne mibpenaug ne ebpuun te langit. Ne ini se kebayàbayà din ne rekelà ne ke keluag dut te ampew te dunya ne egkerayahan te raman din.

Imperayag 18:1 ပူးပေါင်းရင်းမြစ်များ

Lucas 17:24

Su ketà te kedlived te Impeanak te Menusiyà kayi te ampew te dunya ne iring kehaan din te kilat ne ebpeketayew te langun ne linengkevan igenat te pehiliran taman te binunsuran.

2 Tiselunika 2:8

Na ketà te ed-awà en ke ed-eren kandin, ne edlepew en arà se etew ne nepenù te meraat. Ugaid ne embiya ebpekeuma en ke Kerenan tew ne si Hisus, ne edereetan din arà se etew dut te kebpekita rin te kepurù din, su ke hinawa rin se ibpeimatey rin.

Imperayag 10:1

Dutun ne nekita ku ne ruma pà ne mevaher ne suluhuen te Eleteala ne mibpenaug ne egenat te langit. Ne iring te mibevelegkas te sehulapun, ne neterungan ke ulu rin te beluntu. Ke buked din ne iring te ebpeneringsing ne andew, ne ke menge paa rin ne iring dut te pelaus ne regreg.

Imperayag 17:1

Ketà ne ruen seveka rut te pitu ne suluhuen te Eleteala ne mid-ewit te menge lediyà ne mid-uvey kediey ne migkahi te, “Kayi ke en su ibpekita ku keykew ke kedusa te Eleteala ketà te mevantug ne tengerihen ne meritan ne ed-ubpà ketà te inged ne ruen merakel ne wayig.

Imperayag 17:7

Ugaid ne midlalag kedì ke suluhuen te Eleteala ne migkahi te, “Meambe ke egkeinuinu ka? Na ibpesabut ku kenikew ke in-eles ne meana mekeatag keniyan te meritan wey ke binatang ne ed-unturan din ne ruen pitu ne ulu rin wey sepulù se sidung din.

Imperayag 21:23

Warà en atag din ke rayag te andew wey bulan su egkerayahan din dut te raman te Eleteala ne iyan din sulù ne ke Nati te Bilibili.