Imperayag 17:6 - Ke meupiya ne tudtul mekeatag ki Hisu Kristu

⁶ Ne nekita ku rema ne netevereg ini se meritan kayi te lengesa ne mid-inum din, ini se lengesa dut te menge etew ne mibperetiyaya te Eleteala ne mibpeimetayan din su kenà dan ed-engked dut te kebperetiyaya ran ki Hisus. Ne ketà te nekita ku ini se meritan ne neinuinu a nevenar.

Imperayag 17:6 ပူးပေါင်းရင်းမြစ်များ

Juan 2:10

ne migkahi te, “Iyan tew nelayaman ne betasan te embiya ruen kevurunan tew ne iyan tew id-una te ebpeinum ke meupiya ne binu, ne embiya ve su ebpengevulung dan en ne arà pà ne ibpeinum ke binu ne mekurangkurang se nanam din. Ugaid ne sikuna,” ke se meama “ne ke meupiya ne binu ne impememewri nu te ebpehendad su ini pà ne impelepew nu.”

Nenged-ulaula 22:20

Ne ketà te kineimetayi ki Esteban, arà se etew ne mid-itindeg dut te penurù nu, ne dutun a su migkiyug a rema te ed-ul-ulaan dan arà su siaken se mibantey te kumbalà dut te mid-imatey kandin.’

Imperayag 12:11

Ugaid ne ke menge mibperetiyaya te Eleteala ne midtevanan dan arà se edsumbung kandan impepevayà dut te lengesa ni Hisus ke ed-ingaranan te Nati te Bilibili ne mid-imetayan diyà te pinebelavag ne kayu. Uya, midtevanan dan si Setanas impepevayà dut te benar ne penurù ne ibpemenudtul dan. Ne warà dan menuhuni ke umur dan misan ibpatey ran su atag dut te kebperetiyaya ran.

Imperayag 13:15

Ne ini se ikeruwa ne mekeandek ne binatang ne mibehayan te gehem te ebpekegihinawa ke ledawan te paras dut te neuna ne mekeandek ne binatang. Tembù be ebpekelalag ke ledawan ne insuhù din te ebpeimatey ke langun ne kenà ed-arap kandin.

Imperayag 13:7

Ne midtuhutan dema te Eleteala te ked-atu dut te mekeandek ne binatang kayi te menge sakup din ne ebpeketalew kandan. Ne midtuhutan te Eleteala te ruen kebayàbayà dut te mekeandek ne binatang te edatù te langun ne menge etew diyà te langun ne menge inged ne nekebira se kinehiyan wey paras dan.

Imperayag 16:6

Su sikandan se mibpeimatey dut te menge etew ne mibperetiyaya keykew, wey ke mibpelambas te Lalag nu rengan. Tembù be lengesa se ibpeinum nu kandan guntaan su ini se edait ne idsulì kandan.”

Imperayag 2:13

Netuenan ku ne riyà kew ed-ubpà te inged ne ruen merakel ne etew ne edetuan ni Setanas ke datù te pekaid. Ugaid ne misan iring ketà ne metidtu ke keduma niyu kediey, ne warà kew medlekà dut te kebperetiyaya niyu kediey misan dut te ked-imetayi ran ki Antipas dengan, arà se metinumanen te ebpemenudtul te lalag ku ne mid-imetayan dan diyà te inged niyu ne edetuan te datù te pekaid.