Imperayag 17:18 - Ke meupiya ne tudtul mekeatag ki Hisu Kristu

¹⁸ Na ini se meritan ne nekita nu ne in-upama ini te inged ne mevantug ne iyan ebayàbayà te langun ne menge datù dut te ampew te dunya.”

Imperayag 17:18 ပူးပေါင်းရင်းမြစ်များ

Lucas 2:1

Guna su iyan pà mepurù si Agustu rut te inged ne Ruma ne ruen suhù din te langun te menge etew ne ed-ubpà kayi te menge inged ne egkekemalan din ne ebpesurat te ngaran dan.

Imperayag 11:8

Ne ke menge bangkey rut te deruwa ne diyà dà mekeirehà te ralan dut te rekelà ne inged ne mevantug su ketà inlansang te pinebelavag ne kayu ke Kerenan dan dengan. Ne riyà te sempità mekeatag ketà ne inged, ne ed-ingaranan te Suduma wey Ihiptu su ke ulaula kayi te inged dan ne meraat iring dut te meraat ne ulaula ketà te deruwa ne menge inged.

Imperayag 12:4

Ne midrapey kayi te ikug din ke iketelu ne baad ne menge bituen diyà te langit, ne in-antug din diyà te ampew te dunya. Ne ed-it-itindeg diyà te sineruwan te meritan ne mehaan en ed-anak su egkaan dut te batà embiya egemew en.

Imperayag 16:19

Ne ke rekelà ne inged ne Bebilunya ne migintaang ke tanà te tetelu ne vaad, ne langun dema ne menge inged te ampew te dunya ne nereetan en. Uya, warà melipati te Eleteala ke meraat ne ed-ul-ulaan dut te menge etew te inged ne Bebilunya, tembù be ibpeinum din kandan ke binu diyà te basù din ne tuus te kegkeepes din su midusa rin sikandan te mevaher.

Imperayag 18:2

Ne midlalag te merahing se egkahi te, “Na nereetan en! Nereetan en ini se mevantug ne inged ne Bebilunya! Guntaani ne neubpaan te langun ne mekeandek ne menge busew, ne neubpaan dema te meraat wey meredsik ne pepenuk.