Imperayag 17:12 - Ke meupiya ne tudtul mekeatag ki Hisu Kristu

¹² “Na ini se sepulù ne sidung ne nekita nu ne ini ke sepulù ne datù ne warà pà mebpinuu te kedatù, ne ebpinuu ran te edatù elin ke mekeandek ne binatang ugaid ne mehaan dà.

Imperayag 17:12 ပူးပေါင်းရင်းမြစ်များ

Imperayag 10:11

Ne rutun ne migkehiyan a nikandin te, “Ibpemenudtul nu pà maa ke Lalag te Eleteala ne impesabut din keykew mekeatag te egked-ulaula dut te menge egkeunutan wey ke menge etew ne riyà ebpuun te langun ne menge edsusunan te menge inged ne nekebira ke paras dan wey kinehiyan.”

Imperayag 12:3

Ne ruen seveka maa ne dekelà ne tuus ne mekegeyip ne nekita ku riyà te langit. Ruen dekdekelà ne merihà ne tendayag ne pitu se ulu rin wey sepulù se sidung din ne diyà te uman seveka ne ulu rin ne ruen seluluy rin.

Imperayag 13:1

Neipus arà ne ruen nekita ku ne mekeandek ne binatang ne mibpantew riyà te rahat. Ruen sepulù ne sidung din wey pitu ne ulu rin. Ne diyà te uman seveka ne sidung din ne ruen seluluy rin, ne diyà te uman seveka ne ulu rin ne ruen meraat ne menge lalag ne idsumpalit te Eleteala ne insurat ketà.

Imperayag 17:16

Na ini se sepulù ne sidung ne nekita nu ne in-upama te sepulù ne datù, ne sikandan wey ke mekeandek ne binatang ne igkeepes dan ke tengerihen ne meritan ne ed-ehawan dan ke langun ne kearen din taman te warà nesamà misan belegkas din, ne egkeenen dan ini se sapù din wey ebinsulan dan sikandin.

Imperayag 18:10

Ne ebpekeriyù dan se edsandeng su egkeandek ke ebpekeragkes dan dut te kedusa kandin ne egkahi ran te, “Ey mekeyruwiru ini se egketemanan nu, sikew se mevantug wey mevaher ne inged ne Bebilunya, su lusud dà te senge uras ne nekeuma en ke kedusa te Eleteala keykew!”

Imperayag 18:17

Ugaid ne lusud dà te senge uras ne neamin nereeti ke langun ne kekewesai rin!” Dutun ne langun ne menge kepitan te menge kapal wey ke menge etew ne ed-untud ketà, ne ke menge etew ne ebpenggelevek diyà te kapal abpeg dut te menge etew ne ebpenginsedà diyà te rahat ne ebpekeriyù dan

Imperayag 18:19

Ne ebpemeluhu ran te lipupuk te kegkemutu ran ne ebpeninehew wey ebpemenderawit dan se egkahi te, “Ey mekeyruwiru ini se egketemanan din su ini se mevantug wey mevaher ne inged ne nereetan en! Su ini se kekewesai rin se igkewasa rut te langun ne kemuney te menge kapal. Ugaid ne lusud dà te senge uras ne neamin nereeti ke langun ne kekewesai rin.