Imperayag 16:8 - Ke meupiya ne tudtul mekeatag ki Hisu Kristu

⁸ Na ini se ikeepat ne suluhuen te Eleteala ne mid-ulaan din diyà te andew ke idrasey ne netahù te lediyà din. Tembù be mibmèmeinit nevenar ke andew ne ebpeketutung dut te menge etew.

Imperayag 16:8 ပူးပေါင်းရင်းမြစ်များ

Mateo 13:6

Ugaid ne guna su mid-endawan en ne petuluy ne migkuley ke dawun din geina te warà meketuneb ke ralid din, ne neebmas en.

Lucas 21:25

Ne migkahi en maa si Hisus te, “Duen egkekita niyu riyà te andew, bulan, wey bituen ne menge tuus. Ne kayi te ampew te dunya ne egkekiyab se atey te menge etew rut te egkerineg dan ke ebpekesahad ne egkenegkeneg ne rahat wey ke ebpeteltelukuney ne baleg.

Nenged-ulaula 2:20

Duen hewii,’ ke se Eleteala, ‘ne ebmerusirem ke andew, ne ebmerihà ke vulan iring te lengesa, embiya mehaan en ebpekeuma ini se mevantug ne hewii ne kedtimbang te Kerenan dut te langun ne menusiyà.

Imperayag 14:18

Ne ruen pà ruma ne suluhuen te Eleteala ne migemew dut te ebpelengesaan diyà te Nekebpuru ne Valey te Eleteala ne sikandin se ebantey te apuy ketà. Ne midlalag te merahing ne suwara diyà te suluhuen te Eleteala ne migawed te meharang ne garab se egkahi te, “Garab ke en ne eheniya nu ke livas dut te pemulaan ne ed-ingaranan te paras diyà te kelibutan su nelutuan en.”

Imperayag 6:12

Ne nekita ku ne in-awà dut te Nati te Bilibili ke ikeenem ne tuus ne impereket dut te midlulun ne kelatas. Ne netekew ne midlinug te mevaher, ne mibmeitem ke andew iring dut te saput ne meitem, ne mibmerihà ke bulan iring te lengesa.

Imperayag 7:16

Ne kenà dan en egkevitil, ne kenà dan en ebpekeinum. Kenà dan en egkepesangan dut te meinit me andew etawa piya engkey ne meinit.

Imperayag 8:12

Na mibperiyup te budyung din ini se ikeepat ne suluhuen te Eleteala ne iketelu ne vaad dut te andew ne nereetan, ne iketelu ne vaad dut te vulan ne nereetan wey iketelu ne vaad dut te menge bituen. Ketà ne iketelu ne vaad dut te kerayag dan ne neawà. Ne merusirem ke iketelu ne vaad dut te meandew su warà rayag te andew, ne iring ded dema ne merusirem ke iketelu ne vaad dut te merukilem su warà en rayag te bulan wey menge bituen.

Imperayag 9:2

Ne mibpuwasan dut te bituen ini se liyang dut te tanà, ne ruen midlepew ne dekelà ne evel iring te evel te dekelà ne apuy. Dutun ne neelangan ke kedsilà te andew dut te mekepal ne evel ne mibmerusirem ke ampew te dunya te evel ne midlepew dut te liyang te tanà.