Imperayag 15:8 - Ke meupiya ne tudtul mekeatag ki Hisu Kristu

⁸ Neipus arà ne nepenùpenù te evel ini se Nekebpuru ne Valey te Eleteala su atag dut te raman te Eleteala wey ke gehem din. Ne warà ebpekelusud diyà te Nekebpuru ne Valey te Eleteala taman te kenà egkeipus ke pitu ne kedresaya te menge etew ne mid-ewit dut te pitu ne suluhuen te Eleteala.

Imperayag 15:8 ပူးပေါင်းရင်းမြစ်များ

Ruma 11:33

Iring te wayig ne edtudà se kerekelà te daat te nanam te Eleteala dut te langun ne menge etew! Ne ke ketampas wey ketau rin ne kenà egketegkad! Warà etew ne ebpekesagkew te kukuman din! Ne warà etew ne ebpekesabut te kandin ne kebpepevayà!

2 Tiselunika 1:9

Ne ke kedusa kandan ne ibpeawà dan dut te etuvangan te Eleteala ne edresayen dan nikandin taman te taman su kenà dan egkekita ke kepurù din ne warà ebpekerepeng.

Imperayag 15:1

Ketà ne ruen duma pà maa ne tuus ne mekegeyip nevenar ne nekita ku riyà te langit. Ruen pitu ne suluhuen te Eleteala ne ed-ewit te pitu ne susun ne idrasey ran te menge etew. Ne embiya egked-ulaula ini ne ini en ke ketepusan te kedusa te Eleteala te menge etew dut te ampew te dunya.

Imperayag 21:11

Ebpeneringsing nevenar ini se inged su ke raman te gehem te Eleteala ne ketà. Ed-anlag ini iring dut te mepmepurù ne batu ne ed-ingaranan te hasper ne metmetingew iring te pehelungan.