Imperayag 14:7 - Ke meupiya ne tudtul mekeatag ki Hisu Kristu7 Ne midlalag sikandin te merahing se egkahi te, “Edati niyu ke Eleteala wey deyua niyu ke gehem din su nekeuma en ke hewii te edtimbangen din ke menge ulaula rut te langun ne menge etew. Pengarap kew kandin ke midlimbag te langit, tanà, rahat wey menge wayig.” အခန်းကိုကြည့်ပါ။ |
“Meambe ke ed-ul-ulaan niyu ini? Sikami ne etew red dema iring keniyu! Ne iyan dey impengkayi te inged niyu su ibpesabut dey ke Meupiya ne Tudtul apey niyu egkeengkeri ke kebpengarap niyu te menge diwata ne warà rantek din su apey kew ebpekepengarap te Eleteala ne warà kemetayen din. Iyan sikandin midlimbag te langit wey tanà wey dahat wey ke langun ne neketahù ketà.
Misan neepes nevenar ke menge kunterà nu ne nekeuma en ke hewii te kedusa nu kandan, wey ke hewii te kedtimbang nu rut te ulaula te menge etew ne minatey en. Ne nekeuma en rema ke hewii te kedlalew nu rut te langun ne menge sugsuhuen nu ne mibpelambas te lalag nu, ne langun ne menge sakup nu wey langun ne ed-adat keykew, misan mepurù mevavà. Uya nekeuma en ke hewii ne edereetan nu ke langun ne mibaal te kederaat kayi te dunya.”
Ne ebpemeluhu ran te lipupuk te kegkemutu ran ne ebpeninehew wey ebpemenderawit dan se egkahi te, “Ey mekeyruwiru ini se egketemanan din su ini se mevantug wey mevaher ne inged ne nereetan en! Su ini se kekewesai rin se igkewasa rut te langun ne kemuney te menge kapal. Ugaid ne lusud dà te senge uras ne neamin nereeti ke langun ne kekewesai rin.