Imperayag 14:10 - Ke meupiya ne tudtul mekeatag ki Hisu Kristu

¹⁰ ne ebpeinumen din dut te mepait ne binu ne warè nekesawug ne wayig. Ne ini se mepait ne binu ne tuus te dekelà se kegkeepes te Eleteala. Uya, piya engkey ne etew ne ebpengarap dut te binatang ne sikandin ne edresayen diyà te apuy nerakà wey sendawà ne egkeregreg, ne ke Nati te Bilibili wey ke menge suluhuen te Eleteala ne edtengteng ketà te egked-ulaula.

Imperayag 14:10 ပူးပေါင်းရင်းမြစ်များ

Mateo 20:22

“Matag niyu en ini ebuyua,” ke si Hisus, “ne warà niyu mesebuti an se ebuyuen niyu. Maa, ebpeketigker kew ve dut te kemeresayan ne mehaan ku en ibpevayà?” “Uya,” ke sikandan, “egketigkeran dey.”

Mateo 25:41

“Ne ketà ne egkehiyan din ke menge etew kayi te egkehivang din te, ‘Sikiyu ne mibpenrewakan te Eleteala su nesuhat kew te sakit te hinawa rin, awà kew kayi te kediey! Pendiyà kew te apuy nerakà ne kenà egkeevukan ne impenehana ki Setanas ke datù te pekaid wey ke menge sakup din.

Mateo 26:39

Ne midlaus pà sikandin diyà te unaan dan ne midlangkeb en se ebpengeningeni te Eleteala te, “E, Amà, embiya egkepakey keniyan te kenikew, ne ipesahad nu en kediey ini se keresayan ku! Ugaid ne misan iring en ketà se kiyug ku, ne iyan nu tumana ke keykew ne kiyug.”

Marcos 8:38

Embiya ruen etew ne igkeyeyai a rin wey ini se ibpenurù ku kayi te ini ne timpu ne merakel ne menge etew ne mekesesalà wey edsumpalit te Eleteala, ne ke Impeanak te Menusiyà ne igkeyeyai rin dema sikandin ketà te kedlived din kayi te ampew te dunya. Su ketà ne hewii ne ruen raman din ne riyà ebpuun te Amey rin ne Eleteala, ne edumaan sikandin dema rut te menge berekat ne suluhuen diyà te langit.”

Marcos 9:44

Su ketà ne ruen menge tagkey rin ne kenà ebpatey, ne ke apuy ne kenà egkeevukan.]

Nenged-ulaula 10:22

Midtavak dan te, “Impepengkayi key rut te Kepitan ne si Cornelio. Metidtu ne etew sikandin ne ebpengarap te Eleteala wey ed-edatan sikandin dut te langun ne menge Hudiyanen. Ne ruen suluhuen te Eleteala ne migkahi kandin te ibpeangey ka, Simon Pedro, su apey mekerineg sikandin dut te ibpesabut nu.”

2 Tiselunika 1:7

Su ebpekeuma ke hewii ne ibpeengked te Eleteala ke keresayan ne egkeheram ta guntaani, su ebpeimelayen ki ketà te kedlived ni Hisus kayi ne edumaan dut te mekegehem ne suluhuen din.

Hudas 1:7

Ne tentenuri niyu rema ke menge inged ne Suduma wey Gumura wey ke menge inged ne nekelingut ne nereetan en. Su iring se mid-ulaula ran dut te menge suluhuen te Eleteala rengan ne nekesahad se keredsik te perangey ran te edsalàsalà ne ebpeulirey ke elin ded meama. Ne edresayen te Eleteala sikandan diyà te apuy nerakà ne kenà egkeevukan su apey egkeendekan ke menge etew ne ed-iring ketà.

Imperayag 15:7

Guna su nekelihawang dan en ne ruen seveka rut te arà se epat ne nelimbag ne mibehey te pitu ne bulawan ne lediyà diyà te pitu ne suluhuen te Eleteala. Ne ini se pitu ne lediyà ne nepenù te kegkeepes te Eleteala ne kenà ebpatey taman te taman.

Imperayag 16:19

Ne ke rekelà ne inged ne Bebilunya ne migintaang ke tanà te tetelu ne vaad, ne langun dema ne menge inged te ampew te dunya ne nereetan en. Uya, warà melipati te Eleteala ke meraat ne ed-ul-ulaan dut te menge etew te inged ne Bebilunya, tembù be ibpeinum din kandan ke binu diyà te basù din ne tuus te kegkeepes din su midusa rin sikandan te mevaher.

Imperayag 18:3

Uya, arà se egketemanan din su neewit din ke langun ne menge etew te ebpetevereg dut te binu rin; ne mibpearig kandan te ed-amung te ulaula rin ne meraat. Ne mibpengingniyug kandin ke langun ne menge datù dut te ampew te dunya; ne migkewasa ke menge ebpemendehang kayi te kiyug dut te meritan ne mepurù ke kebpemasa rin.”

Imperayag 18:6

Arà se meraat ne mid-ulaula rin keniyu ne iyan ded dema ed-ul-ulaan diyà te kandin, ugaid ne edtekepen arà se kedsulii kandin. Ne ke basù din ne nepenù te mepait ne binu ne impeinum din te menge etew, ne edtekepen arà se kepait din te ibpeinum kandin ne idledawan te kedusa te Eleteala kandin.

Imperayag 19:15

Ne ini se edtunduhen dan ne ruen migemew te bèbà din ne meharang ne sundang, ne arà se metarem din su apey edtavan sikandin dut te etew diyà te langun ne menge inged te ampew te dunya ne egkunterà kandin. Ne ini se kebayàbayà din kandan ne mevaher su kenà egkepakey ne kenà edumaan ke langun ne menge lalag din. Ne ini se egkunterà kandin ne edusaan din iring dut te etew ne egkeres te paras su ebaal te binu, su ibpekita rin ke rekelà ne kegkeepes te Eleteala ne iyan ke rekelà se kebayàbayà din.

Imperayag 19:20

Guna su mibpekibunù dan ne nesigkem arà se mekeandek ne binatang wey arà se mibpelambas te tarù ne lalag ni Setanas ke datù te pekaid, arà se mibaal te mekegeyip ibpepevayà dut te gehem te mekeandek ne binatang. (Su kayi te arà se ulaula rin ne mekegeyip, ne nelimbungan din ke langun ne menge etew ne netiyapan dut te mekeandek ne binatang wey langun ne menge etew ne mibpengarap dut te ledawan iring te paras din.) Ketà ne in-antug te biviyag pà arà se mekeandek ne binatang wey ke ebpelambas ki Setanas diyà te apuy nerakà ne egkeregreg ne sendawà.

Imperayag 20:10

Ne si Setanas ne midlimbung kandan, ne id-antug sikandin diyà te apuy nerakà ne egkeregreg ne sendawà, ne dutun ke mekeandek ne binatang wey ke ebpelambas te tarù ni Setanas ne in-antug en. Ne merukilem meandew ne egkeresay ran taman te taman.

Imperayag 20:14

Neipus arà ne in-antug ke Kemetayen diyà te apuy nerakà wey arà se Ivayaan dema ne ed-ingaranan te Hades. (Ne ini se apuy nerakà ne ed-ingaranan te ikeruwa ne kemetayen.)

Imperayag 21:8

Ugaid ne ke langun ne negaga rut te penggeram te datù te pekaid ne iring dut te menge etew ne kenà edtikà ne eduma kediey, ne ke menge etew ne ed-engkenà te kebperetiyaya ran kediey, ne ke menge ebpengingniyug wey ke menge mekeyeyà se ulaula rin ne id-antug diyà te apuy nerakà. Ne iring din ded dema ke menge terevunù, ke duen menge ketuenan din, ke menge ebpengarap te ledawan ne kenà tidtu ne Eleteala wey langun ne menge teruen ne iyan dan egketemanan ne id-antug diyà te apuy nerakà ke egkeregreg ne sendawà ne ke ed-ingaranan te ikeruwa ne kemetayen.”