Imperayag 13:6 - Ke meupiya ne tudtul mekeatag ki Hisu Kristu

⁶ Uman egkevekà se bèbà din ne edsumpalit te Eleteala wey ke ed-ubpaan te Eleteala diyà te langit wey langun ne sakup te Eleteala ne ed-ubpà diyà te langit.

Imperayag 13:6 ပူးပေါင်းရင်းမြစ်များ

Mateo 12:34

Engketà ded dema te sikiyu. Iring kew te menge uled ne ebpekekaid, ne warà meupiya ne egkekahi niyu geina te memeraatey ini se netahù te hinawa niyu. Su piya engkey se intahù te etew te hinawa rin, ne ini se egemew te bèbà din.

Mateo 15:19

Su ini se neketahù te hinawa rin ke ebpuunan te meraat ne itungan ne ebpekepeneheewit kandin te meraat ne ed-ul-ulaan iring te ked-imatey, kedlangkadlangkad te esawa rin, ne ruma pà ne meredsik ne ed-ul-ulaan, kebpenakew, kedtarùtarù wey kedlalag te ebpekereraat te pekinegan te ruma ne etew.

Juan 1:14

Ne ke mid-ingaranan te Lalag ne mibpebaluy en ne menusiyà ne mid-ubpà en kayi te keytew. Ne lilimuen nevenar sikandin, wey ke langun ne egkehiyen din ne benar. Nekita rey ke geyip ne gehem din ne imbehey kandin te Eleteala su sikandin ke budtung ne Anak te Amey rin ne Eleteala.

Ruma 3:13

Iyan dà neketahù te bèbà dan ne meredsik iring dut te memawù ne edsengew diyà te leveng. Ne miduma en be imbe ketà ke tarù su warà tulan dut te dilà dan. Iring te bisa te uled ini se egemew te bèbà dan ne ebpekekaid.

Kulasi 1:19

Su kiyug te Eleteala ne langun ne riyà te kandin ne riyà ded dema te Anak din si Hisu Kristu, ne ketà ne ke kegkeeleteala ran ne neked-iring.

Kulasi 2:9

Ketà te mibpebaluy ne etew si Hisu Kristu ne kayi red te kandin ke langun ne riyà te Eleteala.

Hibruhanen 9:2

Impeitindeg dan ke valey ne ebpengerapan ne lundis te binatang, ne deruwa se ruhu rin. Ne ke neuna ne ruhu ne edlusud dan ketà ne ed-ingeranan te Berekat ne Ruhu. Ne ketà ne ruen intahù ne sulù wey lemisaan ne edtehuan dan te pan ne ibehey riyà te Eleteala.

Hibruhanen 9:24

Su si Hisu Kristu ne kenà ke valey ne ebpengerapan ne mibeelan dà te etew kayi te ampew te dunya se midlusuran din su ini ne ebpekeiring dà dut te ke tidtu riyà te langit. Ugaid ne sikandin ne midlusud diyà te langit ke tidtu ne ed-ubpaan te Eleteala, ne diyan en guntaan sikandin te etuvangan te Eleteala se ebpeninindeg kenitew.

Imperayag 11:12

Dutun ne egkerineg dut te deruwa ne ebpelambas te Lalag te Eleteala te ruen edlalag te merahing diyà te langit, ke sikandin te, “Kayi kew en te langit.” Ne egkevatun dan diyà te langit te edumaan te menge sehulapun, ne egkekita ini rut te langun ne menge kunterà dan.

Imperayag 12:12

Tembù be sikiyu ke langun ne ed-ubpà diyà te langit, ne egkehalew kew su impeawà si Setanas! Ugaid ne egkeyruwan kew ne ed-ubpà diyà te tanà wey rahat su in-antug en si Setanas diyà te keniyu! Ne neepes nevenar sikandin su netuenan din te mehaan en egkepupus ke hewii rin te ebaal te meraat.”

Imperayag 15:5

Neipus arà ne nekita ku ne nepuwasan ini se Nekebpuru ne Valey te Eleteala diyà te langit, ne nekita ku diyà te lusud te ruhu ne tuus te ke Eleteala ne dutun.

Imperayag 18:20

Ugaid ne sikiyu ne ed-ubpà diyà te langit, ne egkehalew kew su nereetan en ini se inged. Ne egkehalew rema ke sikiyu ne mibperetiyaya te Eleteala wey sikiyu ne menge kedserihan ni Hisu Kristu wey sikiyu ne mibpelambas te Lalag te Eleteala, su midusa en te Eleteala ini se inged atag dut te mid-ulaula rin ne meraat keniyu.”

Imperayag 21:3

Ketà ne ruen merahing ne suwara ne nerineg ku ne riyà ebpuun te ebpinuuwan dut te edatù ne migkahi te, “Na, ke ed-ubpaan te Eleteala guntaani ne diyan en te menge etew. Ed-ubpà sikandin diyà te kandan ne egkevaluy ran ne menge sakup din. Uya, sikandin se ebpekiduma kandan ne sikandin ke Eleteala ran.

Imperayag 4:1

Ketà ne ruen pà maa ruma ne imperayag kediey te Kerenan su nekita ku te ruen gumawan diyà te langit ne mibpuwasan en. Ne ini se midlalag kediey geina te merahing ne suwara iring dut te budyung ne midlalag pà maa kediey ne migkahi te, “Pengkayi ka su ibpekita ku keykew ke engkey se egketemanan dut te akir din ne hewii.”

Imperayag 4:4

Ruen deruwa nepulù wey epat ne ebpinuuwan ne nekelingut kayi te ebpinuuwan din ne ruen deruwa nepulù wey epat ne pekilukesen ne ebpinuu ketà. Mibevelegkas dan te meputì ne ruen inseluluy ran ne bulawan.

Imperayag 5:13

Ketà ne nerineg ku ke kegkanta rut te langun ne ed-ubpà diyà te langit, langun ne ed-ubpà kayi te ampew te dunya, langun ne riyà te insekednar wey langun ne ed-ubpà diyà te rahat. Langun ne nelimbag te Eleteala kayi te linengkevan ne migkanta te, “Edeyuen tew ini se ebpinuu kayi te ebpinuuwan te edatù, wey edeyuen rema ini se Nati te Bilibili. Ed-edatan tew sikandan ne ibpepurù tew sikandan taman te taman, su sikandan dà ke warà ebpekerepeng te gehem din.”

Imperayag 7:15

Tembù be diyà dan ebpekeitindeg te etuvangan dut te ebpinuuwan te edatù, su apey egelevek dan kandin diyà te Nekebpuru ne Valey rin te merukilem meandew. Ne ke Eleteala ne ebpinuu ne edatù se edtuganur kandan.

Imperayag 7:9

“Neipus arà ne ruen nekita ku ne denda ne menge etew ne kenà egkevirang. Riyà dan ebpuun te langun ne edsusunan te menge etew, diyà te langun ne bansa, diyà te langun ne inged wey langun ne kinehiyan te menge etew. Mid-itindeg dan diyà te etuvangan te ebpinuuwan dut te edatù wey riyà te etuvangan dut te Nati te Bilibili. Ne mibevelegkas dan te melayat ne meputì ne kumbalà ne mid-ewit dan te dawun te niyug.