Imperayag 11:13 - Ke meupiya ne tudtul mekeatag ki Hisu Kristu

¹³ Arà dà ne edlinug te mevaher, ne ikesepulù ne baad dut te inged ne egkereetan wey pitu nengivu ne etew se egkeherà. Ne ke nesamà dut te menge etew ne egkeandek nevenar, tembù be edeyù dan te mekegehem ne Eleteala diyà te langit.

Imperayag 11:13 ပူးပေါင်းရင်းမြစ်များ

Juan 9:24

Ne rutun ne mid-umew ran en maa te ebpelived ke neulian ne pisek ne migkahi ran te, “Na iyan nu rà kehiya ke benar su ini ka te etuvangan te Eleteala. Su netuenan dey te ini ne etew se nekeulì keykew ne belisalà ne etew.”

Nenged-ulaula 1:15

Senge hewii ketà ne ruen kevurunan te menge mibperetiyaya ne menge mehatus dan wey deruwa nepulù se miburun, ne mid-itindeg si Pedro se edlalag.

Imperayag 11:11

Ugaid ne embiya egkeipus en ke tetelu wey tengà ne hewii, ne ibpeulit en dut te Eleteala ke hinawa ran su egkeuyag ded ne ed-itindeg. Ne egkeandek nevenar ke langun ne menge etew ne ebpekekita kandan.

Imperayag 11:19

Dutun ne nekita ku ke Nekebpuru ne Valey te Eleteala diyà te langit ne mibpuwasan, ne nekita ku ketà ke baul ne ruen intahù ke menge surat dut te impasad te Eleteala diyà te menge etew rin dengan. Netekew ne egkesuvid se kilat, ne miduruhung, ne mibpemberansì, ne midlinug, wey mid-uran te biyew ne mekepal.

Imperayag 14:7

Ne midlalag sikandin te merahing se egkahi te, “Edati niyu ke Eleteala wey deyua niyu ke gehem din su nekeuma en ke hewii te edtimbangen din ke menge ulaula rut te langun ne menge etew. Pengarap kew kandin ke midlimbag te langit, tanà, rahat wey menge wayig.”

Imperayag 15:4

Is Kerenan, sikuna ke ed-edatan wey edeyuen dut te langun ne menge etew su sikuna rà ke ed-ulaula te metidtu nevenar. Tembù be ke menge etew diyà te langun ne menge inged ne ed-uvey keykew ne ebpengarap, su impekita nu en kandan ke langun ne mid-ulaula nu ne metidtu nevenar.”

Imperayag 19:7

Egkehalew ki ne edeyuen tew ke Eleteala, su ke kewingan te Nati te Bilibili ne nekeuma en. Ne ini se raha ne ebpengesawaan ne ini ke menge etew ne mibperetiyaya kandin ne mibpegadir en.

Imperayag 3:4

“Ugaid ne ruen duma niyu diyà te inged ne Sardis ne warà mevuringi ke belegkas din. Ne iyan din meana ne warà med-amung te meraat ne ulaula. Ne sikandan se ebpekeruma kediey ne ebevelegkas te meputì, ne edait ini su mid-up-upiya ran te ed-ul-ulaan dan.

Imperayag 6:12

Ne nekita ku ne in-awà dut te Nati te Bilibili ke ikeenem ne tuus ne impereket dut te midlulun ne kelatas. Ne netekew ne midlinug te mevaher, ne mibmeitem ke andew iring dut te saput ne meitem, ne mibmerihà ke bulan iring te lengesa.

Imperayag 8:5

Dutun ne migkuwa dut te suluhuen te Eleteala ini se edtehuan te rukut ne mid-ipenù din te baha ne ebpuun dut te ebpelengesaan, ne in-antug din ini diyà te ampew te dunya. Ne ketà ne miduruhung, ne mibpemberansì, ne migkikilat, wey midlinug.