Imperayag 10:1 - Ke meupiya ne tudtul mekeatag ki Hisu Kristu

¹ Dutun ne nekita ku ne ruma pà ne mevaher ne suluhuen te Eleteala ne mibpenaug ne egenat te langit. Ne iring te mibevelegkas te sehulapun, ne neterungan ke ulu rin te beluntu. Ke buked din ne iring te ebpeneringsing ne andew, ne ke menge paa rin ne iring dut te pelaus ne regreg.

Imperayag 10:1 ပူးပေါင်းရင်းမြစ်များ

Mateo 17:2

Guna su ketà dan en ne midtengtengan dan si Hisus ne netekew nedsalin ke kebpeparas din su mid-anlag ini se buked din iring te andew. Ne mibpeneringsing ke velegkas din te keputì.

Lucas 21:27

Ne ketà ne egkekita ran ke kedlived, te Impeanak te Menusiya, su eduma dut te sehulapun. Ne egkekita ran ke gehem din wey ke ed-andlag ne raman din.

Nenged-ulaula 26:13

Na gewii te riyan e pà te ralan te meudtu, ke keupiya nu ne Datù Egeripa,” ke si Pablo, “ne netekew te ruen mermerayag ne riyà ebpuun te langit ne neketayew kedì wey ke menge ruma ku.

Imperayag 1:7

Na kelimùlimù ne pegitunga niyu ini. Ebpekeuma si Hisu Kristu ne edumaan dut te menge sehulapun. Egkekita sikandin dut te langun ne menusiyà abpeg dut te mid-imatey kandin. Ne ebpeninehew ketà ke langun ne menge etew kayi te ampew te dunya su egkeandek dan te kegkukuma rin kandan. Egketuman ini.

Imperayag 18:1

Dutun ne ruen nekita ku ne ruma pà maa ne suluhuen te Eleteala ne mibpenaug ne ebpuun te langit. Ne ini se kebayàbayà din ne rekelà ne ke keluag dut te ampew te dunya ne egkerayahan te raman din.

Imperayag 18:21

Dutun ne ruen ruma pà ne mevaher ne suluhuen te Eleteala ne migkuwa rin ke batu ne iring dut te kerekelà te gelingan ne in-antug ini diyà te rahat. Ne migkahi te, “Iring ketà se kegkereeti dut te mevantug ne inged ne Bebilunya su egketekew egkereeti ne kenè en egkekita.

Imperayag 20:1

Neipus arà ne ruen suluhuen te Eleteala ne nekita ku ne ebpenaug egenat te langit ne egawed te rekelà ne sengkalì wey gunsì dut te liyang te tanà ne warà edtemanan te keralem din.

Imperayag 4:3

Ne mesihey ke paras din iring dut te ebpengilak-ilak ne menge batu ne mepurù ne ed-ingaranan te hasper wey karnila. Ne ruen neketerung ketà te ebpinuuwan din ne meilem ne beluntu iring te paras te mepurù ne meilem ne batu ne ed-ingaranan te ismiralda.

Imperayag 5:2

Ne nekita ku ne ruen mevaher ne suluhuen te Eleteala ketà ne mibpekerahing te suwara rin se egkahi te, “Engkey se egkepakey ne id-awà din ini se tuus su eberaten din?”

Imperayag 8:13

Ne gewii te edtengteng e pà, ne nerineg ku ke lalag dut te banug ne edlayang diyà te kewkewangan. Ne ketetelu rin leleha te merahing se egkahi te, “Mekeyruwiru ke egketemanan dut te menge etew ne ed-ubpà diyà te ampew te dunya! Uya,” ke sikandin pà maa, “mekeandek ke keresayan ne ebpekeuma riyà te kandan ketà te edahing ke budyung dut te ini se tetelu pà ne suluhuen te Eleteala!”