Hudas 1:23 - Ke meupiya ne tudtul mekeatag ki Hisu Kristu

²³ ne ke menge ruma niyu ne riyà ebpekesinaru te apuy nerakà, ne tevangi niyu su iring te edsekedlawen niyu sikandan diyà te apuy. Ibpekita niyu ke kegkeyru niyu te menge etew, ugaid ne inteng kew imbe ke ebpekeiring kew rut te meredsik ne perangey ran.

Hudas 1:23 ပူးပေါင်းရင်းမြစ်များ

Ruma 11:14

Su kiyug ku perem ne meima ke menge ruma ku ne Hudiyanen te kayi te kedtevangi ku keniyu te menge kenà Hudiyanen, ne ini se petihayun ku te ruen diyà te kandan ne ebpekeperetiyaya ne ebpekepeliyu te kedusa te Eleteala kandan.

1 Kurintu 15:33

Ugaid ne kenà kew egkeekali ketà. Su tentenuri niyu ke beseanan ne egkahi te, “Embiya ebpekeruma kew rut te menge etew ne meraat se ulaula rin, ne egkepeneheewit kew ran dema te ebaal te meraat.”

1 Kurintu 3:15

Ugaid ne embiya egketutung arà, ne warà lalew ne ibehey rin. Egkepeliyu sikandan iring te etew ne ebpelahuy te egketutung ne valey.

2 Kurintu 5:11

Geina te netuenan dey se kedtimbanga ni Hisu Kristu ke Kerenan tew ne mekeandek, ketà be ne egkiyuhan dey ne egkepuyuk ke langun te kebperetiyaya kandin. Ne netuenan te Eleteala se metidtu ini se ed-ul-ulaan dey, ne egkiyuhan dey ne egketuenan niyu rema.

2 Tiselunika 3:14

Ne embiya ruen kenà eduma kayi te suhù ne insurat dey keniyu ne turiki niyu sikandin. Ne belehara niyu sikandin su apey egkeyeyai.

1 Timoteo 4:16

Urami nu ke ed-ul-ulaan nu wey ke kebpenurù nu. Su embiya edumaan nu ini se migkahi ku, ne kenà sikuna rà se ebpekeliyu rut te kedusa te salà nu su misan imbe rema ke ebpemineg keykew ne ebpekeamung.

2 Juan 1:11

Su misan kegalewhalew niyu rà sikandin, ne iring te ed-amung ka rut te ulaula rin ne meraat.

Hudas 1:22

Upiani niyu te ebpesabut ke menge etew ne alang-alang pà se kebperetiyaya ran apey ran kenà en mevangen te ebperetiyaya

Imperayag 3:18

Tembù be ibpemandù ku keniyu ne pemesaa niyu kayi te kedì ini se tidtu ne bulawan ne intuug diyà te apuy ne in-upama te kebperetiyaya niyu kediey su apey ke kegkewasa niyu ne benar. Ne pemesaa niyu rema kayi te kedì ini se meputì ne belegkas su apey ibevelegkas niyu ne egkeawà ke kegkeyeyai niyu te nekegkedew. Ne pemesaa niyu rema kayi te kedì ini se bawì te mata su apey ibawì te mata niyu ne ebmerayag se kedtengteng niyu.

Imperayag 3:4

“Ugaid ne ruen duma niyu diyà te inged ne Sardis ne warà mevuringi ke belegkas din. Ne iyan din meana ne warà med-amung te meraat ne ulaula. Ne sikandan se ebpekeruma kediey ne ebevelegkas te meputì, ne edait ini su mid-up-upiya ran te ed-ul-ulaan dan.