Hibruhanen 9:7 - Ke meupiya ne tudtul mekeatag ki Hisu Kristu

⁷ Ugaid ne ke ikeruwa ne ruhu ne iyan dà ebpekelusud ketà ne ke Mepurù ne Terebpelengesa, ne keseveka rin dà ed-ul-ulaa ini te uman rahun. Ne kenà egkepakey ne ebpekelusud sikandin ketà embiya kenà ed-ewit te lengesa rut te impelengesa ne ibehey riyà te Eleteala su atag dut te salà din wey ke salà dut te menge etew ke embiya ruen mid-ulaula ran ne warà dan metueni ne salà.

Hibruhanen 9:7 ပူးပေါင်းရင်းမြစ်များ

Ipisu 4:18

Su sikandan ne warà en iya pepaleng dan ke engkey se benar ne ralan. Ne warà en iya kandan ketà te umur ne warà edtemanan din ne riyà ebpuun te Eleteala su warà ma deisek dà ne kiyug dan te ebpemineg te kiyug te Eleteala su meresen ke ulu ran.

Hibruhanen 10:3

Inemulà te arà se lengesa ne ibehey ran te Eleteala te uman rahun ne ke kebpetenuri rà kandan te salà ne neveelan dan.

Hibruhanen 6:19

Ini se ebpenerengen tew ne impasad te Eleteala kenitew se mevaher ne ebpeunsaran su apey ki kenà ebpekesuwey su edtuman ini nevenar. Uya, edtumanen iya te Eleteala ini su diyan en si Hisus te etuvangan din ne ebpeninindeg keytew.

Hibruhanen 7:27

Ne kenà iring sikandin dut te neuna ne menge terebpelengesa su ruen menge binatang ne ibpelengesa ran te uman gewii, ne ed-unaan dan pà te ebpelengesa ke ibehey ran te Eleteala su apey ke salà dan ne egkepesehad, ne arà pà ne ruen ibpelengesa ran mekeatag te salà te ruma ran. Ugaid ne si Hisus ne warà salà din, tembù be seveka rà se impelengesa rin te iyan din imbehey ke kandin en ne hinawa te ebpebpatey su apey ke langun ne salà te menge etew ne egkepesehad.

Hibruhanen 9:3

Ne ruen mekepal ne saput ne impehelet dut te ikeruwa ne ruhu. Ne ini se ikeruwa ne ruhu ne ed-ingaranan te Punggus ne Berekat ne Ruhu.