Hibruhanen 9:3 - Ke meupiya ne tudtul mekeatag ki Hisu Kristu

³ Ne ruen mekepal ne saput ne impehelet dut te ikeruwa ne ruhu. Ne ini se ikeruwa ne ruhu ne ed-ingaranan te Punggus ne Berekat ne Ruhu.

Hibruhanen 9:3 ပူးပေါင်းရင်းမြစ်များ

Mateo 27:51

Diyà te Nekebpuru ne Valey te Eleteala ne ruen mekepal ne saput ne impehelet dut te insivey ne ed-ubpaan te Eleteala, ne ketà te kinepatey ni Hisus ne nevindas kayi te luuk ini igenat te divavew taman te diralem. Ne midlinug ne nengetevì ke derekelà ne vatu.

Hibruhanen 6:19

Ini se ebpenerengen tew ne impasad te Eleteala kenitew se mevaher ne ebpeunsaran su apey ki kenà ebpekesuwey su edtuman ini nevenar. Uya, edtumanen iya te Eleteala ini su diyan en si Hisus te etuvangan din ne ebpeninindeg keytew.

Hibruhanen 9:7

Ugaid ne ke ikeruwa ne ruhu ne iyan dà ebpekelusud ketà ne ke Mepurù ne Terebpelengesa, ne keseveka rin dà ed-ul-ulaa ini te uman rahun. Ne kenà egkepakey ne ebpekelusud sikandin ketà embiya kenà ed-ewit te lengesa rut te impelengesa ne ibehey riyà te Eleteala su atag dut te salà din wey ke salà dut te menge etew ke embiya ruen mid-ulaula ran ne warà dan metueni ne salà.

Hibruhanen 9:8

Ne igenat ketà ne ruen ibpesabut kenitew dut te Kedesenan ne Ebpetuntul te Menusiyà te ketà ebpuun te mekepal ne saput ne impehelet dut te Punggus ne Berekat ne Ruhu. Iyan din ibpesabut kenitew ne gewii te ruen pà suhù mekeatag dut te neuna ne ruhu ne edtumanan dan pà, ne warà pà mekeuma ke hewii ne egkepakey ne edlusud ke menge etew ketà te ruhu ne rutun en ke Eleteala.