Hibruhanen 9:17 - Ke meupiya ne tudtul mekeatag ki Hisu Kristu

¹⁷ Su ini se epidavit, ne warà igkevehey rin taman ne biviyag pà ke kemuney te kearen. Iyan din kebpekevehey ke minatey en ke kemuney te kearen.

Hibruhanen 9:17 ပူးပေါင်းရင်းမြစ်များ

Juan 14:27

Uya, misan ed-ewaan ku en sikiyu, ne edtahakan ku sikiyu te kebmelintad te hinawa niyu. Ini se kebmelintad te hinawa niyu ne ibehey ku keniyu ne kayi ebpuun te kediey. Ke menge etew kayi te ampew te dunya ne kenà ebpekevehey te kelintad ne iring kayi, ketà be ne kenà kew meuru, ne kenà kew meandek.”

Gelasiya 3:15

Menge suled ku, ruen idsempità ku keniyu. Embiya ruen deruwa ne etew ne ebaal te pasad dan, ne kenà en egkepakey ne edsembian embiya nekesurat en ke ngaran dan. Warà etew ne ebpekesambì ketà, ne warà etew ne edwaraan din.

Hibruhanen 9:16

Upama ke ruen etew ne ruen kearen din ne idalem te epidavit ke engkey se egkevehayan te kearen din embiya ebpatey en sikandin. Ugaid ne taman te biviyag pà sikandin ne kenà egkepenelipun ini rut te menge etew ne ebehayan dut te kearen din, su kenà egkepakey ne ebpenelipunen dan ini se taman ne ruen tuus te minatey en ini se kemuney.

Hibruhanen 9:18

Ne iring din ded dema ke neuna ne pasad te Eleteala, su iyan din ingawà ne ruen lengesa rut te mibpeimetayen su apey ebpekeipanew en ke pasad te Eleteala.