Hibruhanen 9:13 - Ke meupiya ne tudtul mekeatag ki Hisu Kristu

¹³ Su ke lengesa dut te kambing wey sapì wey ke ibmuk dut te midtutung ne nati ne sapì ne nekebira se atag din. Su nekahi te penduan se embiya ruen etew ne midsinggur dut te etew ne minatey, ne ke terebpelengesa se ebpirik kandin dut te lengesa etawa edsawed kandin te ibmuk dut te midtutung ne nati ne sapì su apey egkeawà ke keredsik din apey sikandin ebpekeuvey te Eleteala.

Hibruhanen 9:13 ပူးပေါင်းရင်းမြစ်များ

Nenged-ulaula 15:9

Warà pebiraa te Eleteala,” ke si Pedro, “ke sikami ne menge Hudiyanen wey ke menge etew ne kenà Hudiyanen su ibpeliyu rin dema sikandan dut te kedusa rin te salà dan sabap dut te kineperetiyaya ran ki Hisus.

Hibruhanen 10:29

Ne embiya iring ketà se egketemanan dut te etew ne midsurang dut te penduan ni Moises, ne labi pà se kedusai rut te etew ne ed-engkenà ki Hisus ke Anak te Eleteala! Su ketà ne impekita rin se warà din peberepentaha ke lengesa ni Hisus ne imbehey te kinepatey ni Hisus su apey egketuman ke behu ne pasad te Eleteala ne ebpeketilak dut te salà din. Uya, labi pà se kedusai kandin su iring te pinegkeyà din ke Kedesenan ne Ebpetuntul te Menusiyà ke ebpayag dut te tavang te Eleteala kenitew.

Hibruhanen 10:4

Su ke lengesa te menge sapì wey kambing ne warà nevenar kebpekegaga rin ne ed-awà dut te salà dan.

Hibruhanen 9:19

Ne arà se mid-ulaula ni Moises rengan. Pehaney ne mibpesabut din te menge etew ke langun ne penduan ne imbehey kandan te Eleteala. Arà pà ne migkuwa rin ke lengesa te menge nati ne sapì wey menge kambing ne impelengesa ne mid-emutan din ini te wayig. Na migkuwa rin ke tangkey te pinemula ne ed-ingaranan te hisup ne ruen bulvul te bilibili ne midtinà te merihà ne mibegkesan ketà, ne in-ered din ini ketà te lengesa ne impirik din dut te riberù ne midsuratan te penduan ne impirik din dema dut te menge etew.

1 Pedro 1:22

Na geina te mibperumaruma ki en dut te tidtu ne penurù ne egkepakey ne meilut se limù tew rut te menge ruma tew te ebperetiyaya su mibmetidtu ke itungan tew. Tembù be ebpelimlimuey ki egenat te hinawa ta ne kenà kayi rà te bèbà ta.