Hibruhanen 8:7 - Ke meupiya ne tudtul mekeatag ki Hisu Kristu

⁷ Su embiya ke neuna ne pasad te Eleteala ne ebpekegaga, ne kenà din en edsembian te behu.

Hibruhanen 8:7 ပူးပေါင်းရင်းမြစ်များ

Gelasiya 3:21

Kenà niyu pegitunga ne kayi te penduan te Eleteala ne midwarà din en ke impasad din. Kenà iring ketà! Su embiya ma ruen penduan ne ebpekevehey keyta te umur ne warà edtemanan din, ne arà en ke dalan te kebmetidtu tew riyà te etuvangan te Eleteala.

Hibruhanen 7:11

Ne netuenan ta te rutun te kinevehey te Eleteala te penduan din diyà te menge Hudiyanen, ne ke menge inenakan ni Levi se midtendù din ne menge terebpelengesa se ebpetumanen dut te penduan, ne si Arun se neuna ne terebpelengesa. Ne embiya nekegaga dut te kinedterebpelengesa ran te ebpeliyu ke menge etew rut te salà dan su apey ki ebpekeuvey te Eleteala, ne warà en atag din te ruen pà maa ebpelepawen ne senge bias ne terebpelengesa ne kenà iring te kinedterebpelengesa ni Arun. Ugaid ne tehaad te kurang en se kinedterebpelengesa ni Arun, tembù be midsuhù te Eleteala ke terebpelengesa tew ne senge bias su iring en te kinedterebpelengesa ni Milkisidik, ne kenà si Arun.

Hibruhanen 7:18

Ne egenat ketà ne netuenan ta te midsembian en te Eleteala ke raan ne penduan ne intahak ki Moises su meluvey, ne warà gehem din te edtavang.

Hibruhanen 8:6

Ugaid ne ini se helevek ni Hisus te kedterebpelengesa ne mepurù pà dut te nengehelevek te menge terebpelengesa rengan. Ne iring din ded dema ke keupiya ini se behu ne pasad te Eleteala te si Hisus se terebpelengesa tew ne ebpeninindeg kenitew su muna pà se keupiya rin ketà te neuna ne pasad te Eleteala. Iyan din ked-una te keupiya ini se behu ne pasad su ruen impenendan din mekeatag ketà ne mepmeupiya pà nevenar.