Hibruhanen 7:3 - Ke meupiya ne tudtul mekeatag ki Hisu Kristu

³ Ne diyà te Lalag te Eleteala ne impesurat din ne warà lalag mekeatag te amey ni Milkisidik etawa ke iney rin etawa ke menge keep-epuan din. Ne warà mekesurat dema mekeatag te kineanaka kandin etawa ke kinepatey rin. Tembù be iring te warà rudsuan din wey warà ketepusan din. Ne ebpekeiring sikandin te Anak te Eleteala ne warà ketepusan se kedterebpelengesa rin.

Hibruhanen 7:3 ပူးပေါင်းရင်းမြစ်များ

Mateo 4:3

Ne mid-uvey kandin si Setanas ke datù te pekaid ne mibpenggeraman din se egkahi te, “Embiya sikuna en ke Anak te Eleteala ne pebeluya nu ini se menge batu ne pan ne egkekaan.”

Hibruhanen 4:14

Engketà be ne egewaran tew te mevaher ke kebperetiyaya tew ki Hisus ke Anak te Eleteala. Su mibpendiyan en ke Mepurù te Terebpelengesa tew te langit ne riyan en te etuvangan te Eleteala se ebpeninindeg kenitew.

Hibruhanen 7:1

Si Milkisidik ini ne ratù sikandin dengan diyà te inged ne Salim, ne terebpelengesa rema sikandin ne ebpeninindeg te menge etew rut te Eleteala ne warà repeng te kinemepurù din. Ne ketà ne hewii te kineulì ni Abraham te ebpekibunù dut te menge kunterà din ne epat ne retuan ne nengepatey rin, ne midsinuhung sikandin ni Milkisidik ne impengeningeni rin sikandin te ebpeneuven te Eleteala.

Hibruhanen 7:17

Su ruen impesurat ne Lalag te Eleteala mekeatag kandin ne egkahi te, “Sikew ke terebpelengesa ne ebpeninindeg te menge etew kayi te kedì taman te taman, iring dut te kinedterebpelengesa ni Milkisidik dengan.”

Hibruhanen 7:2

Ne si Abraham ne imbehey rin ki Milkisidik ke ikesepulù ne umun dut te langun ne netavan din te kinebunuey rin. Ne iyan din meana kayi te ngaran ni Milkisidik ne “Datù te Metidtu se Ulaula Rin.” Ne geina te ratù dema sikandin te inged ne Salim, ne neingaranan ded sikandin te “Datù te Kerinew” su iyan meana te Salim ne kerinew.

Hibruhanen 7:6

Ne si Milkisidik ne kenà inenakan mulà ni Levi, ugaid ne misan iring ketà ne mibehayan ni Abraham sikandin te ikesepulù ne umun dut te netavan din. Ne ruen ruma pà ne ibpekita te kepurù ni Milkisidik su misan ruen en impasad ki Abraham te Eleteala, ne impengeningeni pà sikandin ni Milkisidik te ebpeneuven te Eleteala.