Hibruhanen 6:5 - Ke meupiya ne tudtul mekeatag ki Hisu Kristu

⁵ Su embiya neheraman dan en nevenar ke keupiya dut te lalag te Eleteala, ne neheraman dan en dema ke gehem te Eleteala iring dut te ibpayag din ketà te ketepusan ne hewii

Hibruhanen 6:5 ပူးပေါင်းရင်းမြစ်များ

Mateo 12:32

Ne misan engkey en ne etew ne edlalag te meraatey mekeatag dut te Impeanak te Menusiyà ne egkepesahad te Eleteala te salà din, ugaid ne misan engkey ne etew ne edlalag te meraatey mekeatag dut te Kedesenan ne Ebpetuntul te Menusiyà, ne kenà en vulug egkepesahad te Eleteala ke salà din taman te taman.”

Marcos 6:20

Su neandek si Hirudis ki Juan su netuenan din ne metidtu sikandin ne iyan ebpelupandù kandin ne Eleteala. Tembù be kenà din ebpeimetayan si Juan. Ne ingkesuati rin te ebpemineg ke penurù ni Juan misan ebpekevehey te kemutuwan te hinawa rin.

Lucas 8:13

Ne ke kebetuwan ne neuluhan te benì ne arà ke menge etew ne nekerineg te Lalag te Eleteala ne ingkehalew ran te ebpemineg ne mibperetiyaya ran, ugaid ne mehaan dà se kineperetiyaya ran su warà mekedalid te hinawa ran. Ne wey ran penggerami ni Setanas dut te peretiyaya ran ne midlekà dan en.

Ipisu 6:17

Ne ke sarig niyu te si Hisu Kristu ke mibpeliyu keniyu rut te kedusa te salà niyu ne iyan iring te putew ne sepiyu ne id-alang te ulu niyu. Ne ke Lalag te Eleteala ne imbehey keniyu dut te Kedesenan ne Ebpetuntul te Menusiyà ne iyan iring te sundang niyu.

Hibruhanen 11:3

Ne sikitew rema, ne egenat dut te kedsarig tew ne netuenan tew te ini se kelibutan wey ke langun ne nekeriken kayi ne nelimbag te Eleteala egenat te lalag din dà. Engketà be ne ke langun ne egkekita tew kayi te dunya ne riyà ebpuun dut te kenà egkekita.

Hibruhanen 2:5

Na kenà ke suluhuen te Eleteala se mibpemilì din te kedatù diyà te behu ne dunya keuremà su ini se edlelehan ku kayi.

Hibruhanen 4:12

Ke Lalag te Eleteala ne ebpekeiring te biviyag su mekegehem. Ne lavi pà se keharang te Lalag te Eleteala dut te memeharang ne sundang ne idtibas te etew ne medmeralem se id-uteng din. Ebpekeiring ketà su idtempayar din ke itungan wey ke kiyug dut te menge etew ne ed-eles te hinawa rin.

1 Pedro 1:25

Ugaid ne ke Lalag te Eleteala ne kenà iring ketà su warà edtemanan din.” Ne ini se Lalag te Eleteala ke Meupiya ne Tudtul ne iyan impesabut en keniyu.

1 Pedro 2:3

Iyan ta ed-ul-ulaan ne iring ketà su neheraman dey ke limù te Eleteala keytew.

2 Pedro 2:20

Ke ruen menge etew ne mid-awà dut te daan ne ulaula ran ne meraat su atag dut te mibperetiyaya ran ki Hisu Kristu ke Kerenan tew, ne ebpekeliyu ran dut te meraat ne ulaula kayi te ampew te dunya ne ederaat kandan. Ugaid ne embiya edlived dan ded maa dut te meraat ne nelayaman dan ne ingkeuripen dan, ne tuwas pà ne meraat se egketemanan dan dut te warà den pà mibperetiya.