Hibruhanen 5:3 - Ke meupiya ne tudtul mekeatag ki Hisu Kristu

³ Ne tehaad te etew red dema sikandin ne ebpekedsalà ded dema, ne ebpelengesa te binatang te kandin ne salà iring te kebpelengesa rin mekeatag te salà te menge etew.

Hibruhanen 5:3 ပူးပေါင်းရင်းမြစ်များ

1 Kurintu 15:3

Ne ini ke impesabut kediey ne impenurù ku rema keniyu su iyan ibpeuna ne penurù ini dut te langun. Mibpeimatey si Hisu Kristu su apey ki igkepeliyu nikandin dut te salà tew iring dut te impesurat te Eleteala ne Lalag din dengan.

Hibruhanen 10:12

Ugaid ne kenà iring ketà se kinevehey ni Hisu Kristu te lawa rin diyà te Eleteala te ebpebpatey, su keseveka rà mulà se kinevehey rin te lawa rin dut te salà te menge etew ne ebpekegaga arà taman te taman. Neipus arà ne mibpinuu sikandin diyà te egkekewanan te Eleteala diyà te langit.

Hibruhanen 7:27

Ne kenà iring sikandin dut te neuna ne menge terebpelengesa su ruen menge binatang ne ibpelengesa ran te uman gewii, ne ed-unaan dan pà te ebpelengesa ke ibehey ran te Eleteala su apey ke salà dan ne egkepesehad, ne arà pà ne ruen ibpelengesa ran mekeatag te salà te ruma ran. Ugaid ne si Hisus ne warà salà din, tembù be seveka rà se impelengesa rin te iyan din imbehey ke kandin en ne hinawa te ebpebpatey su apey ke langun ne salà te menge etew ne egkepesehad.

Hibruhanen 9:7

Ugaid ne ke ikeruwa ne ruhu ne iyan dà ebpekelusud ketà ne ke Mepurù ne Terebpelengesa, ne keseveka rin dà ed-ul-ulaa ini te uman rahun. Ne kenà egkepakey ne ebpekelusud sikandin ketà embiya kenà ed-ewit te lengesa rut te impelengesa ne ibehey riyà te Eleteala su atag dut te salà din wey ke salà dut te menge etew ke embiya ruen mid-ulaula ran ne warà dan metueni ne salà.