Hibruhanen 5:11 - Ke meupiya ne tudtul mekeatag ki Hisu Kristu

¹¹ Ne ruen pà maa dekelà ne ibpesabut ku perem keniyu mekeatag te kinedterebpelengesa ni Milkisidik wey si Hisus, ugaid ne iyan din kerehenan te kedseysey ku su merehen kew ne ebpekesabut.

Hibruhanen 5:11 ပူးပေါင်းရင်းမြစ်များ

Mateo 13:15

Su ini se menge etew ne meresen se ulu ran, ne timbang te midsabpeng dan ke telinga ran, wey midlipereng dan ke mata ran. Su embiya kenà, ne ebpekekita ran en, ne ebpekerineg dan en, ne ebpekesabut dan en, ne ke hinawa ran ne edlived en kayi te kediey, ne ibpekepeliyu ku en sikandan dut te salà dan.’ ”

Marcos 8:21

“Maa warà kew pè be lavew mekesabut te ini se penurù ku ne kenà mekeatag te egkeenen tew?”

Lucas 24:25

Ne migkahi en si Hisus kandan te, “Warà bes itungan niyu! Meambe ke warà kew mebperetiyaya rut te langun ne impesurat te menge mibpelambas te Lalag te Eleteala rengan?

Juan 16:12

“Merakel pà perem,” ke si Hisus, “se egkehiyen ku keniyu, ugaid ne kenà niyu pà egketegkad.

Juan 6:6

(Migkahi rin ini su ebpenggeraman din si Felipe, ugaid ne netuenan din ma ke engkey se ed-ul-ulaan din.)

Nenged-ulaula 28:27

Su ini ne menge etew ne meresen se ulu ran, ne timbang te midsabpeng dan ke telinga ran, ne midlipereng dan ke mata ran. Su embiya kenà, ne ebpekekita ran, ne ebpekerineg dan, ne ebpekesabut dan, ne ke hinawa ran ne edlived kayi te kediey ne ibpekepeliyu ku sikandan dut te salà dan.’ ”

Hibruhanen 5:10

Engketà be ne midtendù en sikandin te Eleteala ne iyan Mepurù te Terebpelengesa ne ebpeninindeg kenitew, iring dut te kedterebpelengesa ni Milkisidik rengan te kebpeninindeg din.

Hibruhanen 5:12

Iyan perem dait ne sikiyu se ebpemandù dut te menge ruma niyu su neuhet kew en ne mibpemandù, ugaid ne warà kepekayan din. Inemulà se iyan din pà dait ne edseupan kew pà maa te ebpenurù su misan ke neuna ne penurù mekeatag te Eleteala ne kenà niyu pà egkesebutan. Iring kew te menge vatà ne kemulu pà ne edsusu su kenà pà egkepakey ne egkaan te mekehal.

2 Pedro 3:16

Diyà te langun ne surat din ne impenudtul din mekeatag te ini se hewii te kedlived ni Hisu Kristu kayi. Duen dema impenurù din diyà te menge surat din ne merehen ne egkesebutan, tembù be ke menge etew ne warà netuenan dan dut te benar ne penurù wey ke menge etew ne melemu ne eduma dut te kenà benar su mibèbeelan dà ne ebpekesuwey ran dut te meana rin. Ne kenà arà dà se insurat ni Pablo ne midsuwey ran dut te meana rin su iring ded se mid-ulaula ran dut te ruma ne impesurat ne Lalag te Eleteala. Tembù be edusaan dan te Eleteala kayi te mid-ulaula ran.