Hibruhanen 4:7 - Ke meupiya ne tudtul mekeatag ki Hisu Kristu

⁷ Su mibehayan pà maa lavew te Eleteala ke menge etew te hewii te kedtelimaa ran dut te impasad din te ke hewii ne ini en. Netuenan ta arà su guna su nekebpipira en nehatus ne rahun se midsahad ketà te hewii ne warà mekelusud ayan se menge etew ne meresen se ulu rin ne ruen impekahi te Eleteala ki David ne egkahi te, “Na embiya egkerineg niyu ke lalag te Eleteala, dumai niyu ne kenà kew pekeresen te ulu niyu.”

Hibruhanen 4:7 ပူးပေါင်းရင်းမြစ်များ

Mateo 22:43

“Benar,” ke si Hisus, “ne geina te iring ketà ne meambe ke migkahi si David te arà se Impasad te Eleteala ne Ebperetuen te langun ne Kerenan din? Su midlumunan te Kedesenan ne Ebpetuntul te Menusiyà si David ne impesurat din te,

Marcos 12:36

Su mid-ulinan te Kedesenan ne Ebpetuntul te Menusiyà si David ne impesurat din te, ‘Migkahi ke Eleteala ketà te Kerenan ku te: Kayi ka pinuu te rapit te egkekewanan ku taman te ebpenggiekan ku ke menge kunterà nu.’”

Lucas 20:42

Su riyà te riberù ne ed-ingaranan te Salmo ne si David en iya se edlalag ketà te, ‘Migkahi ke Eleteala ketà te Kerenan ku te: Kayi ka pinuu te rapit te egkekewanan ku

Nenged-ulaula 2:29

“Na, menge suled ku,” ke si Pedro, “kenà ku idsanggel te egkehiyen ku keniyu mekeatag dut te tipewna ne datù tew rengan ne si David, ne neuhet en ne minatey ne inleveng ne kemulu red lavew ini se leveng din taman guntaani.

Nenged-ulaula 2:31

Netuenan neraan ni David ini se ed-ul-ulaan te Eleteala ketà te akir din ne hewii, tembù be nelalag din mekeatag dut te kegkevanew ni Hisus, ke Impasad te Eleteala rengan ne Ebperetuen te langun, su migkahi si David te, ‘Warà sikandin intahak diyà te inged ne Iveyaan; ne warà neredak ke lawa rin diyà te leveng.’

Nenged-ulaula 28:25

Ketà ne mibpesusuweyey ran su warà meked-ayun ke itungan dan. Ugaid ne te warà den pà med-awà ne migkahi maa si Pablo te, “Benar iya ke migkahi rut te Kedesenan ne Ebpetuntul te Menusiyà ne impesurat dut te senge etew ne ebpelambas te Lalag te Eleteala rengan ne si Isayas.

Hibruhanen 3:15

Su ini se impesurat ne Lalag te Eleteala ne egkahi te, “Na, embiya egkerineg niyu ke lalag te Eleteala, dumai niyu ne kenà kew pekeresen te ulu niyu iring dut te keep-epuan niyu rengan ne mid-atu te Eleteala.”