Hibruhanen 4:1 - Ke meupiya ne tudtul mekeatag ki Hisu Kristu

¹ Na in-amung ki en rema te Eleteala dut te impasad din te ebpekelusud dut te inged ne impenehana rin ne ebpeimelayan din te menge etew rin. Tembù be ed-uram kiyu su apey warà seveka rà ne egketahak te kedlusud ketà te inged ne ed-imelayan ne impasad din.

Hibruhanen 4:1 ပူးပေါင်းရင်းမြစ်များ

Mateo 24:48

Ugaid ne embiya kenà meupiya ne edsugsuhuen su warà te hinawa rin ke insuhù kandin ne kehingginawa rin te, ‘A kalu ke meuhet pà ebpekeuma ke ebpengemuney kenami,’

Nenged-ulaula 3:19

Na,” ke si Pedro, “pemedsendit kew wey engkeri niyu ini se meraat ne ed-ul-ulaan niyu, ne ibehey niyu ke hinawa niyu te Eleteala su apey egkepesahad din ke menge meraat ne ed-ul-ulaan niyu. Embiya ini se ed-ul-ulaan niyu,

Ruma 11:20

Ne benar ne nekesambì kew kandan. Ugaid ne iyan puunan te kinetempera te Eleteala kandan su warà dan mebperetiyaya ki Hisus, ne ke puunan te kinetuvù niyu guntaani ne ke kineperetiyaya niyu. Ugaid ne kenà niyu ve ibpendekarak, inemulà se ingati niyu nevenar ke ulaula niyu.

Ruma 3:23

Su langun ne menge etew ne mekesesalà. Ne warè misan seveka rà ne ebpeketuntul te ibayà te Eleteala, su langun en ne nekesuwey.

1 Kurintu 10:12

Ne engketà be ne embiya ruen etew ne iyan din egkepegitung te kenà din ed-ul-ulaan ke meraat su mevaher en se sarig din, ne iluta rin pà lavew su kalu ke ebpekevaal ded sikandin te salà.

2 Kurintu 6:1

Engketà arà ne mid-amung key dut te Eleteala te egelevek dut te helevek din kayi te ampew te dunya. Ne ebuyuen dey keniyu ne ibpekita niyu te mid-upianan niyu ke daat te nanam din keniyu su apey kew ebpekeliyu.

Gelasiya 5:4

Ne misan engkey keniyu se kunaan din ke ebmetidtu sikandin diyà te etuvangan te Eleteala dut te keduma rin te penduan ni Moises, ne mid-iniyug en sikandin ki Hisu Kristu, ne kenà sikandin igkeamung dut te tavang te Eleteala te kebpekeliyu te menge etew.

2 Timoteo 2:13

Ne misan ke itungan tew ne layun egkesembii, ne sikandin mulà ne egkeserihan nevenar su kenà edsalin sikandin dut te nekahi rin.

Hibruhanen 12:15

Uram kew te kenà kew ebpekeiniyug dut te tavang wey limù te Eleteala. Su ke etew ne ed-ulaula te iring kayi se ebpekepeneheewit te ruma pà ne etew su iring en be te sagbet ne ebehas te mepait ne ebpekeilu.

Hibruhanen 12:25

Na itaan niyu ve ke telinga niyu te eduma rut te lalag te Eleteala. Su ke menge etew rengan ne warà mebpemineg dut te kedseysey kandan ni Moises te penduan te Eleteala, ne midusaan dan te Eleteala. Na iyan ki pè be kenè ki dusai embiya kenè ki ebperumaruma rut te impepenudtul din kenitew te Anak din ne riyà ebpuun te langit.

Hibruhanen 13:7

Kenà niyu lipati ke menge mibpeneheewit keniyu ne mibpenurù keniyu te Lalag te Eleteala. Iyan niyu pegpegitunga ke meupiya ne ulaula ran wey ke sarig dan ne warà mebparin taman te minatey ran, ne arà be se iringi niyu.

Hibruhanen 3:11

Uya, neepes ad iya ne mibpenendan ad te, ‘Kenà dan iya nevenar ebpekelusud ketà te inged ne ebpekeimeley ran dut te kemerehan ne ibehey ku perem kandan.’ ”

Hibruhanen 4:11

Engketà be ne ebpenemaran tew su apey kiyu ebpekelusud ketà te inged ne ebpeimelayan ne impasad te Eleteala. Ne ed-uram kiyu su apey kenà kiyu mekeiring dut te menge etew rengan ne warà dan mekelusud su warà dan peretiyayaa ke migkahi te Eleteala kandan.

Hibruhanen 4:9

Ketà be ne netuenan tew te ruen pà hewii dut te menge etew te Eleteala te kebpekelusud ketà te inged ne ebpeimelayan iring dut te kineimeley te Eleteala ketà te ikepitu rin ne hewii te nekeipus sikandin te kinelimbaha rin te langun taman kayi te dunya.