Hibruhanen 3:9 - Ke meupiya ne tudtul mekeatag ki Hisu Kristu

⁹ Ne iyan nekahi te Eleteala mekeatag kandan se, “Misan pà te nekita ran en ke mekegeyip ne ulaula ku lusud te neked-epat nepulù ne rahun, ne impeiseg den pà lavew ke kebpenggeram dan kedì.

Hibruhanen 3:9 ပူးပေါင်းရင်းမြစ်များ

Lucas 7:22

Ne migkahi si Hisus diyà te menge suhù ni Juan te, “Ulì kew en diyà te ki Juan ne penudtula niyu kandin ini se nekita niyu ne mid-ulaula ku wey ini se nerineg niyu ne migkahi ku. Iyan niyu peketueni kandin ne kayi ebpuun te kediey ne nekeulit en se kebpekekita rut te menge pisek, nekeipanew en ke menge pungkù, neulian en ke menge kevuwaen, nekerineg en ke menge bengel, neuyag en ke menge minatey wey impesabut ku ke Meupiya ne Tudtul diyà te menge ayuayu.

Nenged-ulaula 13:8

Ugaid ne mibelavag kandan ini se metau ne ebaal te malik mata ne ed-ingeranan ki Barhisus ne ed-ingeranan ded maa ki Elimas (su ini se ngaran din dut te kinehiyan ne Gerisiyanen) su kiyug din ne kenà ebpekeperetiyaya ke gubinedur ki Hisus.

Nenged-ulaula 7:36

Su sikandin se mid-ewit te menge keep-epuan tew te ed-awà ketà te inged ne Ihiptu ne mibpengunguripen kandan. Ne mibaal sikandin te mekegeyip wey ulaula ne mekeinuinu diyà te inged ne Ihiptu, wey riyà te rahat ne ed-ingaranan te Merihà, wey riyà dema te ebpevayaan dan ne tanà ne kenà egkeubpaan te etew ne impekita rin kandan ne menge ulaula arà taman te neked-epat nepulù ne rahun.