Hibruhanen 3:15 - Ke meupiya ne tudtul mekeatag ki Hisu Kristu

¹⁵ Su ini se impesurat ne Lalag te Eleteala ne egkahi te, “Na, embiya egkerineg niyu ke lalag te Eleteala, dumai niyu ne kenà kew pekeresen te ulu niyu iring dut te keep-epuan niyu rengan ne mid-atu te Eleteala.”

Hibruhanen 3:15 ပူးပေါင်းရင်းမြစ်များ

Hibruhanen 10:29

Ne embiya iring ketà se egketemanan dut te etew ne midsurang dut te penduan ni Moises, ne labi pà se kedusai rut te etew ne ed-engkenà ki Hisus ke Anak te Eleteala! Su ketà ne impekita rin se warà din peberepentaha ke lengesa ni Hisus ne imbehey te kinepatey ni Hisus su apey egketuman ke behu ne pasad te Eleteala ne ebpeketilak dut te salà din. Uya, labi pà se kedusai kandin su iring te pinegkeyà din ke Kedesenan ne Ebpetuntul te Menusiyà ke ebpayag dut te tavang te Eleteala kenitew.

Hibruhanen 10:38

Ne ke menge etew ne metidtu kayi te etuvangan ku ne edtigkeran dan te piya engkey se kemeresayan su atag dut te kebperetiyaya ran kediey. Ugaid ne embiya ruen etew ne ed-engked se eduma kediey, ne warà iya kegkehalew ku kandin.”

Hibruhanen 4:7

Su mibehayan pà maa lavew te Eleteala ke menge etew te hewii te kedtelimaa ran dut te impasad din te ke hewii ne ini en. Netuenan ta arà su guna su nekebpipira en nehatus ne rahun se midsahad ketà te hewii ne warà mekelusud ayan se menge etew ne meresen se ulu rin ne ruen impekahi te Eleteala ki David ne egkahi te, “Na embiya egkerineg niyu ke lalag te Eleteala, dumai niyu ne kenà kew pekeresen te ulu niyu.”