Hibruhanen 3:12 - Ke meupiya ne tudtul mekeatag ki Hisu Kristu

¹² Engketà be menge suled ku, uram-uram kew nevenar su apey warà seveka keniyu ne eduma te meraatey ne itungan ne ed-awà se peretiyaya rin te Eleteala, su arà se kebpekepekeriyù tew rut te Eleteala ne warà kemetayen din.

Hibruhanen 3:12 ပူးပေါင်းရင်းမြစ်များ

Mateo 16:16

Ne midtavak si Pedro te, “Sikuna ke Impasad ne Ebperetuen te langun ne menge etew dut te Eleteala ne warà kemetayan din, ne sikuna ke Anak din.”

Mateo 24:4

Ne migkahi si Hisus te, “Uram kew su apey kew kenà meekali dut te menge etew ne metau ne edliyuk.

Marcos 13:23

Tembù be idtarem ku ini,” ke si Hisus, “su apey niyu meingati te kenà pà ini egked-ulaula.”

Marcos 13:33

Uram kew ve ne penehana kew en, su warà niyu metueni ke hewii ne egkeuma ini.

Marcos 13:9

“Ne sikiyu, ne ingat kew nevenar su ebpenigkemen kew te menge etew ne ibpepemenayik kew riyà te valey te kukuman. Ne ebpenruuhen kew riyà te valey ne ebpengedian te penduan te menge Hudiyanen, ne ebpeneheewiten kew riyà te menge egkeunutan wey harì te inged su atag dut te kedsarig niyu kediey, ugaid ne ini en imbe ke ralan te kebpekepesabut niyu kandan dut te Meupiya ne Tudtul mekeatag kediey.

Lucas 21:8

Ne migkahi si Hisus te, “Uram kew su apey kenà kew meekali dut te menge etew ne metau ne edliyuk. Su merakel se edlepew ne engkungkun ne siaken en ne egkahi ran te, ‘Siaken en ini ke Impasad te Eleteala ne Ebperetuen te langun!’ Ne egkahi ran te, ‘Ini en ke ketepusan ne hewii,’ ugaid ne kenà kew eduma kandan.

Ruma 11:21

Su embiya iring ketà se midtamped te Eleteala ke tunganey ne subpang ne ke menge Hudiyanen, ne iyan kew pè be kenà tempera se mehintelunan dà ne subpang embiya ed-iring kew red kandan.

1 Kurintu 10:12

Ne engketà be ne embiya ruen etew ne iyan din egkepegitung te kenà din ed-ul-ulaan ke meraat su mevaher en se sarig din, ne iluta rin pà lavew su kalu ke ebpekevaal ded sikandin te salà.

Kulasi 2:8

Pemiyapiya kew ve rut te menge etew ne ebpekehuyud te inesa niyu te ebpemineg dut te lalag dan ne engkungkun ne meralem su apey kew egkeekali wey apey kew ebperumaruma kandan. Ugaid ne warà pantag dut te menge lalag dan su iyan dan dà ebpenurù ke betasan te menge keep-epuan dan ne riyà dà ebpuun te itungan dut te menge etew rà dè duen, su ini se ibpenurù dan ne kenà riyà ebpuun te ki Hisu Kristu.

1 Tiselunika 1:9

Su sikandan en se ebpemenudtul mekeatag te kegalàhalà niyu kenami ketà te kebpekeuma rey keniyan te keniyu. Ne ebpemenudtul dan mekeatag dut te kebpekeengked niyu te ebpengarap te ledawan dà ne kenà tidtu ne Eleteala su apey kew ebpengarap dut te tidtu ne Eleteala ne warà kemetayen din.

Hibruhanen 10:31

Ne mekeandekandek nevenar embiya ebpekepevayà ki te gehem te kukuman te Eleteala ne warà kemetayen din.

Hibruhanen 10:38

Ne ke menge etew ne metidtu kayi te etuvangan ku ne edtigkeran dan te piya engkey se kemeresayan su atag dut te kebperetiyaya ran kediey. Ugaid ne embiya ruen etew ne ed-engked se eduma kediey, ne warà iya kegkehalew ku kandin.”

Hibruhanen 12:15

Uram kew te kenà kew ebpekeiniyug dut te tavang wey limù te Eleteala. Su ke etew ne ed-ulaula te iring kayi se ebpekepeneheewit te ruma pà ne etew su iring en be te sagbet ne ebehas te mepait ne ebpekeilu.

Hibruhanen 12:22

Ugaid ne sikitew ve guntaan, ne ini ke ralan te kebpekeuvey tew te Eleteala ne kenè en iring dut te menge Hudiyanen dengan su iring te nekeuma ki en dut te buvungan ne ed-ingaranan te Siyun ne ed-ubpaan te Eleteala ne warà kemetayan din. Ne ini se inged ne riyà te langit ne ed-ingaranan te Behu ne Hirusalim ne ruen egngivungivuwan ne menge suluhuen din dema ne edeyù kandin.

Hibruhanen 12:25

Na itaan niyu ve ke telinga niyu te eduma rut te lalag te Eleteala. Su ke menge etew rengan ne warà mebpemineg dut te kedseysey kandan ni Moises te penduan te Eleteala, ne midusaan dan te Eleteala. Na iyan ki pè be kenè ki dusai embiya kenè ki ebperumaruma rut te impepenudtul din kenitew te Anak din ne riyà ebpuun te langit.

Hibruhanen 3:1

Na menge suled ku ne mibperetiyaya en ki Hisus, ne nepemilì en dema te Eleteala te egkevaluy ne menge etew rin, ne iyan niyu pegpegitunga ne si Hisus. Su sikandin ke midsuhù te Eleteala kayi te ampew te dunya te ebpesabut mekeatag te kebpekeperetiyaya tew wey apey sikandin ke mepurù te terebpelengesa ne ebpeninindeg kenitew diyà te Eleteala.

Hibruhanen 3:10

Tembù be neepes a kandan ne migkahi a te, ‘Ini se menge etew ne layun edsuwey ke hinawa ran kedì ne kenà dan edumaan ke impemandù ku.’

Hibruhanen 3:19

Engketà be ne netuenan tew se ayan ne menge etew rengan ne warà en iya mekelusud ketà te inged ne impenehana te Eleteala kandan su warà dan mebperetiyaya kandin.

Hibruhanen 9:14

Engketà be ne embiya ebpekegaga ne ed-awà te meredsik te etew arà se lengesa rà te menge binatang, ne iyan pè be kenà muna pà se kebpekegaga rin ini se lengesa en ni Hisu Kristu te kebpeliyu rin kenitew rut te salà tew. Su egenat te tavang te Kedesenan ne Ebpetuntul te Menusiyà, ne imbehey ni Hisus ke hinawa rin ne ebpebpatey misan warà deisek dà ne salà din su ini ke ibehey rin te Eleteala. Ne ini se lengesa rin se edlinis kenitew apey ki edsangur te Eleteala ne warà kemetayan din. Tembù be kenà en ebpegingewaan te edumaan ta ke iring dut te menge Hudiyanen ne kenà ebpekegaga te ebpeuvey kenitew te Eleteala.