Hibruhanen 2:18 - Ke meupiya ne tudtul mekeatag ki Hisu Kristu

¹⁸ Engketà be ne netuenan din en se kedtavang din nevenar dut te menge etew ne ebpenggeraman, su sikandin dema se mibpenggeraman wey midrasey.

Hibruhanen 2:18 ပူးပေါင်းရင်းမြစ်များ

Lucas 22:28

Ne migkahi si Hisus te, “Langun te kemerehenan ku ne mid-unung kew kedì.

Lucas 22:53

Su uman gewii ne diyan a te Nekebpuru ne Valey te Eleteala se ebpenurù, ne warà e ma nikiyu sigkema ketà. Ugaid ne keniyu en ini ne hewii te kedsigkem kediey, ne ebpepayag en ke kevaher ni Setanas ke datù te pekaid se ebayàbayà keniyu.”

Juan 10:29

“Su iyan mibehey kandan kedì ne ke Amey ku ne Eleteala ne warà repeng se gehem din, ne warà senge etew rà ne ebpekeahew kandan dut te edtingkungan te palad din.

1 Kurintu 10:13

Ne ke penggeraman ne ebpekeuma keykew ne warà bira rin dut te penggeram ne ebpekeuma dut te langun ne menge etew. Ugaid ne ke Eleteala se egkeserihan nevenar ne edtavang keykew, su kenà din idluhut ne ebpekeuma keykew arà se penggeram ne kenà nu egkegaga. Ugaid ne arà penggeram ne ebpekeuma keykew, ne ibehey rin keykew ke gaga te ed-engkenà su apey ka ebpekeliyu ne kenà nu ed-ul-ulaan ke meraat.

Pilipus 3:21

Ne ketà te kedlived din, ne ebeluyen din ke lawa tew ne ebpatey iring dut te lawa rin ne kenà ebpatey. Egkegaga rin te ed-ulaula ini ibpepevayà dut te gehem din te ebayàbayà dut te langun taman.

2 Timoteo 1:12

Tembù be egkerasey ad ini te bilengguan. Ugaid ne kenà ku igkeyeyai su netuenan ku se Eleteala ma se edserihan ku. Ne netuenan ku rema se ebpekegaga sikandin ne edtuganur kedì te langun ne helevek ne insarig din kedì taman ketà te hewii ne kedlived din te egkukum kenitew.

Hibruhanen 5:2

Tehaad te ini se Mepurù te Terebpelengesa ne etew red dema ne melemu ne ebpekedsalà, ne netuenan din se kedtigker te kebpeneheewita rin dut te menge etew ne nekedsalà su warà dan metueni ke tidtu ne ed-ul-ulaan dan.

2 Pedro 2:9

Ne iring te kebpeliyu te Eleteala ki Lut se ed-ul-ulaan te Eleteala dut te menge etew ne eduma kandin su metau sikandin te ibpevayà din te kedtavang kandan ketà te keresayan dan. Ne ini se menge etew ne kenà eduma kandin, ne impenehana en ke kedusa rin kandan ketà te Hewii ne Egkukum kandan.

Hudas 1:24

Ne arà be ne edeyrey kiyu te Eleteala su sikandin dà se ebpekegaga ne edtavang kenitew apey kenà ki mekesuwey riyà te kandin. Ne sikandin dà se ebpekegaga ne ebpeliyu kenitew su apey warà meraat ne egkekita rin kayi te kenitew ketà te hewii ne ed-itindeg ki diyà te etuvangan te raman din ne ed-andlag te kesihey rin ne dekelà imbe ne kehelawan tew.

Imperayag 3:10

Ne sabap te keduma niyu rut te insuhù ku keniyu te edtigkeran niyu ke kemerehenan, tembù be ebentayan ku sikiyu su apey kenà ebpekeuma kayi te keniyu arà se keresayan ne ebpekeuma kayi te ampew te dunya ketà te hewii ne ebpenggeraman te Eleteala ke menge etew.