Hibruhanen 13:2 - Ke meupiya ne tudtul mekeatag ki Hisu Kristu

² Ne kenà niyu lipati se kegalàhalà niyu rut te menge etew ne ebpekepemenayik diyà te baley niyu misan kenà niyu sikandan egkekilala. Su rengan ne ruen nehalàgalà te menge etew ne warà dan metueni te suluhuen te Eleteala ne egenat te langit ini.

Hibruhanen 13:2 ပူးပေါင်းရင်းမြစ်များ

Mateo 25:35

Su ketà te nevitil a ne mibehayan a niyu te egkekaan, ne nemeraan a ne pineinum a niyu. Ne ketà te nekeuma a riyà te keniyu ne misan kenà a niyu egkekilala ne pinepemenayik a niyu.

Mateo 25:40

“Ne egkahi ke punggus ne ratù te, ‘Sebenarvenar ne ini se egkehiyen ku, ketà te mid-ulaula niyu ini diyà te misan engkey dut te kevevaan en ne eduma kedì ne iring te mid-ulaula niyu ini kayi te kediey!’

Mateo 25:43

Ne ketà te nekeuma a riyà te keniyu, ne warà a niyu pepemenayika. Ne warà belegkas ku, ne warà a niyu behayi. Nekedaru a, ne warà a niyu tugenura. Nevilanggù a, ne warà a niyu leuya.’

Nenged-ulaula 16:15

Ketà ne mibunyahan sikandin abpeg ke menge emurà din dutun te valey rin. Ne migkehiyan key rin te, “Embiya birang te itungan niyu ne benar se peretiyaya ku ki Hisus ne Kerenan ne diyà kew ubpà te baley ku.” Ne warà key rin ewai ne ketà ne mibpendiyà key en.

Ruma 12:13

Ne ebehayan tew te tavang ke menge suled tew te kebperetiyaya ne ruen kurang din, ne egelhelaan tew ke menge etew ne sumeseharey.

Ruma 16:23

Si Gayu ne ebpenginginsà rema keniyu. Sikandin ke ebpeketuganur kediey su riyan a ed-ubpà te baley rin ne egkevurunan dut te ruma tew ne mibperetiyaya. Ne si Irastu ke edtuganur te kureta kayi te inged ini, wey ke suled tew te ebperetiyaya si Kuwartu ne ebpenginginsà rema keniyu. [

1 Timoteo 3:2

Ugaid ne ke etew ne ebpeneheewit te menge mibperetiyaya ki Hisus ne iyan din kemeyidan ne warà ulaula rin ne meraat ne igkesawey kandin, ne seveka rà se esawa rin. Iyan din kemeyidan ne kenà mekalas se kebpenunuen din te keuyahan, ugaid ne erangan se ed-ul-ulaan din su apey langun ne ulaula rin ne meupiya. Iyan din kemeyidan ne mesakew te piya engkey en ne etew, ne metau sikandin ne ebpenurù.

1 Timoteo 5:10

Iyan dà egkepakey ne valu ne ke ed-edatan su meupiya ke helevek din iring be te kinepeneheewit din te meupiya te menge anak din, kinetirapan din te ebpekaan dut te menge etew ne sumeseharey, kinetavang din te menge etew ne mibperetiyaya te Eleteala, labi en ke menge etew ne ebpekeanuyanuy te kerehenan wey misan engkey en ne ketulengeran din ne impekita rin diyà te menge ruma rin.

Tito 1:8

Ugaid ne iyan pà mulà se mesakew sikandin te piya engkey en ne etew, ne igkesuat din ke piya engkey en ne meupiya ne ed-ul-ulaan. Ne ed-erangan se ed-ul-ulaan din, metidtu sikandin, ke ulaula rin se ebpekesuhat te Eleteala, ne ed-eren te kiyug te lawa rin.

1 Pedro 4:9

Iyan ta iya ed-ul-ulaan ne egalàhalà ki rut te menge ruma ta ne menge mibperetiyaya ne ebpepemenayik ki rut te valey ta.

3 Juan 1:5

Ne suled ku ne meheget, egkeserihan ka nevenar dut te kedtuganur nu te menge ruma tew te ebperetiyaya ne mibpelinawet diyà te kenikew, su misan warà nu mekilala sikandan ne midtuganur nu red.