Hibruhanen 12:15 - Ke meupiya ne tudtul mekeatag ki Hisu Kristu

¹⁵ Uram kew te kenà kew ebpekeiniyug dut te tavang wey limù te Eleteala. Su ke etew ne ed-ulaula te iring kayi se ebpekepeneheewit te ruma pà ne etew su iring en be te sagbet ne ebehas te mepait ne ebpekeilu.

Hibruhanen 12:15 ပူးပေါင်းရင်းမြစ်များ

Hibruhanen 3:12

Engketà be menge suled ku, uram-uram kew nevenar su apey warà seveka keniyu ne eduma te meraatey ne itungan ne ed-awà se peretiyaya rin te Eleteala, su arà se kebpekepekeriyù tew rut te Eleteala ne warà kemetayen din.

Gelasiya 5:4

Ne misan engkey keniyu se kunaan din ke ebmetidtu sikandin diyà te etuvangan te Eleteala dut te keduma rin te penduan ni Moises, ne mid-iniyug en sikandin ki Hisu Kristu, ne kenà sikandin igkeamung dut te tavang te Eleteala te kebpekeliyu te menge etew.

2 Kurintu 6:1

Engketà arà ne mid-amung key dut te Eleteala te egelevek dut te helevek din kayi te ampew te dunya. Ne ebuyuen dey keniyu ne ibpekita niyu te mid-upianan niyu ke daat te nanam din keniyu su apey kew ebpekeliyu.

2 Juan 1:8

Tembù be uram kew su apey kenà meawà diyà te keniyu ini se lalew rut te migelevek niyu, ugaid ne ebpekekuwa kew te langun ne impenehana te Eleteala keniyu.

1 Kurintu 15:33

Ugaid ne kenà kew egkeekali ketà. Su tentenuri niyu ke beseanan ne egkahi te, “Embiya ebpekeruma kew rut te menge etew ne meraat se ulaula rin, ne egkepeneheewit kew ran dema te ebaal te meraat.”

2 Pedro 3:14

Na menge suled, tehaad te arà ne hewii se edteharan tew, ne id-amin tew ke hinawa tew te ed-ulaula te kiyug te Eleteala su apey warà meraat kayi te keytew ne igkesawey rin ketà te kebpekeuma rin wey apey melinew se hinawa ta diyà te kandin.

Hibruhanen 4:1

Na in-amung ki en rema te Eleteala dut te impasad din te ebpekelusud dut te inged ne impenehana rin ne ebpeimelayan din te menge etew rin. Tembù be ed-uram kiyu su apey warà seveka rà ne egketahak te kedlusud ketà te inged ne ed-imelayan ne impasad din.

1 Kurintu 5:6

Warà iya kewagib niyu te ebpendekarak! Iyan meupiya ne id-awà niyu arà se meraat su apey kenà ebpekeeneb dut te langun niyu iring dut te beseanan ne egkahi te, “Misan ibukbuk niyu ke reisek ne pelevag dut te tapung ne ebeelan ne pan ne langun ketà ne edlevag.”

Hibruhanen 4:11

Engketà be ne ebpenemaran tew su apey kiyu ebpekelusud ketà te inged ne ebpeimelayan ne impasad te Eleteala. Ne ed-uram kiyu su apey kenà kiyu mekeiring dut te menge etew rengan ne warà dan mekelusud su warà dan peretiyayaa ke migkahi te Eleteala kandan.

2 Kurintu 13:5

Na susiya niyu ke hinawa niyu embiya benar ke kebperetiyaya niyu ki Hisu Kristu etawa kenà. Menu, warà niyu ves metueni se keniyan med-ubpà si Hisu Kristu te hinawa niyu? Ne embiya warà sikandin diyà te hinawa niyu, ne kenà benar ke kebperetiyaya niyu.

1 Kurintu 10:12

Ne engketà be ne embiya ruen etew ne iyan din egkepegitung te kenà din ed-ul-ulaan ke meraat su mevaher en se sarig din, ne iluta rin pà lavew su kalu ke ebpekevaal ded sikandin te salà.

Hibruhanen 6:11

Ne iyan ku kiyug ne langun niyu ne ebpenamar te ed-ulaula kayi se taman te kedlived ni Hisus su apey niyu egketelimà ke ebpenerengen niyu riyà te Eleteala.

2 Pedro 2:18

Engkungkun te sikandan ne meralem se lalag dan, ugaid ne warà benar dutun. Ne ebpehuyatan dan ke menge etew ne behu pà ne mid-engked dut te raan ne ulaula ran ne meraat ketà te mibperetiyaya ran. Su egkahi ini se ebpenurù te tarù te kenà kun meraat ke eduma dut te egkiyuhan te lawa ta. Tembù be egkepeneheewit maa ke menge etew te Ebpekedsalà.

Kulasi 3:5

Tembù be engked kew se ed-ulaula te meraat ne ke daan en ne ulaula te menge etew kayi te ampew te dunya iring dut te kebpengingniyug wey langun ne meredsik ne ulaula ne igkesuat te menusiyà. Ne engkeri niyu ne betasan ayan se kegkeima, su embiya kenà niyu ed-engkeran ne ke kearen ne igkesuati niyu ne arà se egkevaluy ne kerenan niyu.

Ipisu 5:3

Sikiyu ini se sakup en te Eleteala ne kenà kew iya ebpengingniyug, kenà kew ed-ulaula te temperasà, ne kenà kew egkeeram-am, su langun kayi ne kenà dait ne ulaula te etew ne mibperetiyaya en ki Hisus. Kenà egkepakey ne ruen iring kayi ne egkekahi mekeatag te sikiyu.

Gelasiya 2:13

Tembù be ruen ruma ne Hudiyanen ne mibperetiyaya en riyà te Antiyuka ne miduma te ulaula ni Pedro su neandek dan. Misan si Bernabe ne elin neandek ne mid-engked se ebpekidtuhen te egkaan dut te menge mibperetiyaya en ne kenà Hudiyanen.

1 Kurintu 13:8

Su ke langun ne ketau ne imbehey te Eleteala dut te menge etew, ne ruen hewii ne egkeawà. Ugaid ne ke limù, ne kenà egkeawà taman te taman. Su ruen hewii ne ebpekeuma ne ke ketau te kebpesabut dut te impesabut kandan te Eleteala ne egkeawà. Ne ke kebpekelalag te kinehiyan ne kenà egkesebutan ne egkeawà dema. Ne engketà ded dema ke menge etew ne ebpekesabut te meralem ne penurù ne egkeawà ded.

2 Pedro 3:11

Na embiya netuenan tew te ruen hewii ne edereetan te Eleteala ke langun ne egkekita ta, ne iyan se nasì ne ke meupiya se ed-ul-ulaan tew. Iyan iya se eduma ki te Eleteala su apey ini se ulaula ta ne metidtu diyà te etuvangan din

2 Pedro 1:10

Tembù be, menge ruma ku ne mibperetiyaya, iyan iya se mebpegelep ki te eduma te Eleteala wey mekita te benar iya ini se kebpemilì din keyta. Su embiya ini se ed-ul-ulaan ta, ne warà ebpekesuwey keytew te keduma ta te Eleteala.

Lucas 22:32

Ugaid ne impengeningeni ku en sikuna, Simon, su apey kenà egkeawà ke sarig nu kediey. Ibparew a nikuna, ugaid embiya ebpekeulit en ke sarig nu kediey ne behera nu ke sarig te menge ruma nu.”

Tito 1:15

Su embiya mibmelinis en te Eleteala ke hinawa te etew, ne langun ne melinis diyà te kandin. Ugaid ne ke etew ne warà pà mibmelinis se hinawa rin te Eleteala su warà pà mibperetiyaya, ne warà dema melinis diyà te kandin su ruen meraat ne netahù te hinawa wey itungan din ne kenà din egketuenan ke engkey se meupiya wey meraat.