Hibruhanen 12:11 - Ke meupiya ne tudtul mekeatag ki Hisu Kristu

¹¹ Ne embiya ebpekesekitan ki te Eleteala ne kenà tew igkesuati su igkereheni ta gewii te ebpekepevayà ki ketà. Ugaid ne ke egketemanan tew ne meupiya ne sabap dut te kinepekesakit din kenitew ne ebmetidtu ke menge ulaula tew ne rutun ne ebmelintad ke hinawa tew.

Hibruhanen 12:11 ပူးပေါင်းရင်းမြစ်များ

Ruma 14:17

Su kenà iyan Edetuan te Eleteala keytew ne mekeatag dà te egkeenen wey ed-inumen, ugaid ne mekeatag te kebmetidtu te ulaula tew, mekeatag te kebmelintad te hinawa tew, wey ke kegkehalew te hinawa tew ne riyà ebpuun te Kedesenan ne Ebpetuntul te Menusiyà.

2 Kurintu 4:17

Ne ini se kemerehenan ne igkerasey rey guntaani ne edsahad dà, ugaid ne ke kedtigker dey te keresayan ne ruen egkeperateng dey ketà te akir din ne hewii ne ibehey rin keytew ne muna pà dut te igkerasey rey.

2 Timoteo 4:8

Engketà be ne ruen arà impenehana te Kerenan tew ne idlalew rin kedì su metidtu se keduma ku kandin. Ini se ibehey rin ketà te akir din ne hewii te kegkukum din te menge etew, ne sikandin dà se egkukum te metidtu nevenar. Ne kenà siaken dà se edlelawan su langun te etew ne egkelimù kandin wey ebpenareng te kedlived din ne ruen dema kandan.

Hibruhanen 12:10

Su ke amey tew kayi te dunya ne mibpekesekitan ki ran te mehaan dà ne hewii te batà ki pà, ne endei rà ke ingkeupiani te itungan dan mekeatag kenitew ne arà dà ke edumaan dan. Ugaid ne ke Eleteala ne Amey tew riyà te langit, ne iyan din kebpekesakit kenitew su netuenan din ne arà se ebpekegkeupiya kenitew su apey ki egkevaluy ne metidtu iring kandin.

Hibruhanen 5:14

Ugaid ke etew ne nekekaan en te mekehal ne ke etew ne midsukud en ne midtua en se itungan din, su netuenan din en te kebpedsusuna rin dut te meraat wey meupiya ne ed-ul-ulaan din.

1 Pedro 1:6

Ne egenat dutun ne egkehalew kew en misan egkemutuwan kew te mehaan guntaani su sabap te merakel ne keresayan ne egketigkeran niyu.

2 Pedro 2:14

Warà ruma ne ebpemengaan dan ke kenà ke menge meritan ne meredsik, ne ke kiyug dan te ebpatà te nanam dan ne kenà dan igkevulung. Ebaal dan te litag ketà se ed-ul-ulaan dan su apey ran mepeneheewit te ebpekedsalà ke menge etew ne warà pà mekedalid se kebperetiyaya ran. Iring din ded dema ne egkeeram-am ke hinawa ran, ugaid ne nepenehana en ke kedusa kandan te Eleteala.