Hibruhanen 11:36 - Ke meupiya ne tudtul mekeatag ki Hisu Kristu

³⁶ Ruen pà ruma ne mibpegkeyà wey mibpenruug. Ne ruma pà ne mibakù te kedina ne impevilanggù.

Hibruhanen 11:36 ပူးပေါင်းရင်းမြစ်များ

Mateo 20:19

ne arà ne ibpalad dan diyà te menge etew ne kenà Hudiyanen, ne ed-undaunda kandin, ebpenlambit kandin, arà pà ne ed-imetayan. Ugaid ne ketà te iketelu ne hewii ne egkevanew red sikandin.”

Mateo 21:35

Ugaid ne nekeuma ini se midsuhù din, ne migeweran dut te pinekemal din ne mibedasan dan ne ruen mid-imetayan dan ne ruen mibpenrumbag dan te vatu.

Mateo 23:34

Ne ebpeketuenan ku keniyu te ruen etew ne edsuhuen ku kayi te keniyu ne ebpelambas te Lalag te Eleteala, menge etew ne dekelà se netuenan din mekeatag te Eleteala, wey menge etew ne ebpenurù. Ugaid ne ruen ed-imetayan niyu, ne ruen idlansang niyu riyà te kayu, ne ebpembedasan niyu ke ruma diyà te lusud te baley ne ebpengedian te penduan niyu, wey ke ruma ne ebpenuntulen niyu riyà te menge inged su ebpemekeiran niyu.

Mateo 27:26

Ketà ne impelihawang en ni Pilatu si Barabas. Ne si Hisus embe ke imperuug din ne imbehey rin en kandan te ibpelansang diyà te pinebelavag ne kayu.

Marcos 10:34

Ne ed-unda-unda ran kandin, ne ebpengileb, ebpenlambit, wey ed-imatey ran kandin, ugaid ne ketà te iketelu ne hewii ne egkevanew sikandin.”

Lucas 18:32

Ne ibpalad sikandin diyà te menge etew ne kenà Hudiyanen ne ed-un-undaen sikandin, ebpegkeyaen sikandin, wey ebpengilevan sikandin.

Lucas 23:11

Ne mid-undaunda ni Hirudis wey ke menge sundaru rin si Hisus ne pinegkeyà dan. Ne pinelelembung dan te velegkas te datù su uvag kun ne ratù ne impelived dan en maa riyà te ki Pilatu.

Lucas 23:36

Ne mid-amung ke menge sundaru mid-undaunda kandin. Mid-uvey ran si Hisus ne pineinum dan te daan en ne tebà.

Nenged-ulaula 21:33

Ne mid-uvey ini se mepurù ki Pablo ne midsigkem din ne impevakù din te deruwa ne sengkalì. Ketà ne mid-insaan din ke menge etew te, “Engkey ini etawa ne engkey se salà din?”

Nenged-ulaula 24:27

Ne nekederuwa ne rahun ne si Pursyu Pistu se nekesambì ki Felix ne gubinedur. Si Felix, ne warà din pelihewanga si Pablo su apey igkesuat sikandin dut te menge Hudiyanen.

Nenged-ulaula 4:3

Ketà ne midsigkem dan si Pedro ki Juan ne geina te meapun en arà ne mibilanggù dan taman te nepawà.

Nenged-ulaula 5:18

te impesigkem ini se menge kedserihan ne mibilanggù dan.

Nenged-ulaula 5:40

Impelusud dan en maa ke menge kedserihan ne impelambit dan sikandan. Ketà ne imbaag dan en maa kandan te kenà dan en ebpekelalag mekeatag dut te ngaran ni Hisus, ne impeliyu ran en.

Nenged-ulaula 8:3

Ne si Saulo ini, ne mibpekesekitan din ke menge etew ne mibperetiyaya ki Hisus su apey ran egkereeti perem. Su midsihid sikandin diyà te menge valey ne midlusud ne miguyud din ke menge meama wey meritan ne mibperetiyaya ne mibilanggù din.

Ipisu 3:1

Ne sabap dut te langun ne impenudtul ku keniyu, ne siaken ini si Pablo se ebpengeningeni mekeatag te sikiyu. Su impevilanggù a sabap dut te kegelevek ku ki Hisu Kristu wey ke kebpesabut ku mekeatag kandin diyà te keniyu ne kenà Hudiyanen.

Ipisu 4:1

Ne siaken ne ini te bilengguan su mekeatag te kebpesabut ku ki Hisus ne Kerenan tew, ne iyan ku ebuyuen keniyu ne edtumanen niyu ke langun ne dait ne ulaula dut te mibperetiyaya en su arà se kiyug te Eleteala dut te kebpemilì din keniyu.

2 Timoteo 1:16

Ugaid ne si Unisipiru ne kenà mulà maa iring ketà, su kenà egkeyeyaan sikandin ne ebayà kedì misan kayi te bilengguan. Su ketà te kinepekeuma rin kayi te inged ne Ruma ne mibpemengà a rin taman te netuen a nikandin. Ne layun a rin ebayai kayi te bilengguan, ne ketà ne ebpekehinawa a te meluag. Ne netuenan nu rema ke dekelà ne tavang din kedì te riyà a pà te inged ne Ipisu. Iyan ku kiyug ne ibpekita te Eleteala ke tavang din kandin te telteleanak wey egkeyruwan din sikandan ketà te hewii ne kegkukuman te menge etew.

2 Timoteo 2:9

Tembù be egkerasey a guntaan su nevilanggù a iring te medmeraat ne etew. Ugaid ne misan mibakù a te sengkalì kayi, ne kenà dan egkevangen ke kebpemenudtul te Lalag te Eleteala.

Hibruhanen 10:34

Ne impekita niyu ke kegkeyru niyu rut te nengevilanggù su midtevangan niyu sikandan. Ne misan pà te mid-ahew ke menge kearen niyu ne warà nemutu ke hinawa niyu. Uya, su netuenan niyu se ruen pà beripantag ne kearen niyu ne edtahad diyà te langit ne kenà egkeahew keniyu taman te taman.

Imperayag 2:10

Kenà kew meandek dut te keresayan ne mehaan en ne ebpekeuma keniyu. Ugaid ne pemineha niyu ini se egkehiyen ku su ruen keniyan te keniyu ne ebilengguen dut te datù te pekaid su ebpenggeraman din ke kebperetiyaya niyu, ne edresayen kew te mehaan iring te menge sepulù ne hewii. Ugaid ne kenà kew edlekà te kebperetiyaya niyu kediey misan ibpatey niyu pà su ruen lalew ne ibehey keniyu ne umur ne warà edtemanan din.