Hibruhanen 11:3 - Ke meupiya ne tudtul mekeatag ki Hisu Kristu

³ Ne sikitew rema, ne egenat dut te kedsarig tew ne netuenan tew te ini se kelibutan wey ke langun ne nekeriken kayi ne nelimbag te Eleteala egenat te lalag din dà. Engketà be ne ke langun ne egkekita tew kayi te dunya ne riyà ebpuun dut te kenà egkekita.

Hibruhanen 11:3 ပူးပေါင်းရင်းမြစ်များ

Juan 1:3

Ne impepevayà kandin ne midlimbag te Eleteala ke langun taman, ne warà misan seveka rut te nelimbag ke kenà impepevayà kandin.

Nenged-ulaula 14:15

“Meambe ke ed-ul-ulaan niyu ini? Sikami ne etew red dema iring keniyu! Ne iyan dey impengkayi te inged niyu su ibpesabut dey ke Meupiya ne Tudtul apey niyu egkeengkeri ke kebpengarap niyu te menge diwata ne warà rantek din su apey kew ebpekepengarap te Eleteala ne warà kemetayen din. Iyan sikandin midlimbag te langit wey tanà wey dahat wey ke langun ne neketahù ketà.

Nenged-ulaula 17:24

Su ini iya ke Eleteala ne midlimbag te dunya wey ke langun ne neketahù kayi. Sikandin ke Kerenan ne ebayàbayà te langit wey tanà ne warà med-ubpà kayi te menge baley ne ebpengeningeniyan ne mibeelan dà te etew,

Ruma 4:17

Su iring dut te impesurat ne Lalag te Eleteala ki Abraham rengan ne egkahi te, “Mibaluy ku sikew ne amey rut te merakel ne edsusunan te menge etew.” Ne ini se migkahi te Eleteala ne midtuman en su nevaluy rin si Abraham ne amey rut te langun tew ne mibperetiyaya iring te kineperetiyaya ni Abraham kandin. Ne ke Eleteala ne mibperetiyaya ni Abraham ne iyan ded sikandin arà ke Eleteala ne ebanew te menge minatey, su ke senge tahà dà ne lalag din ne egked-ulaula ke engkey se egkiyuhan din.

1 Kurintu 2:7

Ugaid ne riyà ebpuun te ketau te Eleteala ini se ibpayag ku guntaani ne warà pa metueni te etew. Su ketà te warà din pà limbaha ini se dunya ne netahù en te itungan din se ruen dalan te kebpeliyu keytew dut te salà tew su apey ki ebpekeamung kandin dut te kebpurù din.

1 Timoteo 4:5

su ke egkeenen tew ne pekegkeupiya egenat dut te Lalag te Eleteala wey ke kebpengeningeni tew kandin.

Hibruhanen 1:2

Ugaid ne guntaani manen, ne iyan en maa ibpesabut dut te Eleteala kenitew ne ibpepevayà din dut te Anak din si Hisus. Su sikandin se impelimbag din kayi te dunya, ne sikandin dema ke nepemilì te Eleteala ne ebpegkemunayen dut te langun taman.

Hibruhanen 6:5

Su embiya neheraman dan en nevenar ke keupiya dut te lalag te Eleteala, ne neheraman dan en dema ke gehem te Eleteala iring dut te ibpayag din ketà te ketepusan ne hewii

2 Pedro 3:5

Iring kayi se egkehiyen dan su kenà dan ebpehimbenar te pehaney en ne ke Eleteala se midlimbag te langit wey tanà ibpepevayà te lalag din dà. Ne ketà ne nevaluy rin ke wayig ne tanà, su ini se tanà ne riyà ebpuun te wayig. Ne iring din ded dema ke wayig ke puunan te igkeuyag dut te langun ne kayi te tanà.

Imperayag 4:11

“Na, ke Kerenan dey ne Eleteala, mepmepurù ka, tembù be edeyuen ka wey egkeedatan, su ke gehem nu ne dekdekelà. Su sikuna se midlimbag dut te langun taman, uya, nebiviyag dan su sabap dut te kiyug nu.”