Hibruhanen 11:28 - Ke meupiya ne tudtul mekeatag ki Hisu Kristu28 Ne sabap te sarig din dema te Eleteala ne iyan din midumaan ke insuhù te Eleteala kandin. Tembù be ebpetenuran din te menge Hudiyanen ke ed-ingaranan te “Kedsahad te Suluhuen te Eleteala.” Su edsumbalì dan te bilibili ne ibpirik ke lengesa rin diyà te gumawan te menge baley ran su apey edsehari rà te suluhuen te Eleteala ne kenà ed-imetayan ke pengenayan ne anak dan ne meama. အခန်းကိုကြည့်ပါ။ |
wey riyà te ki Hisus ke midtuman dut te behu ne pasad te Eleteala, su impepevayà dut te lengesa rin ne netilak kiyu rut te salà tew. Su ke lengesa ni Hisus ne imbùbù din dut te kinepatey rin, ne muna pà se keupiya rin su tuus ini te limù te Eleteala te kebpeliyu kenitew, kenà iring dut te lengesa ni Abel rengan su ke lengesa rin ne tuus te kedusa te Eleteala rut te suled ni Abel ne mid-imatey kandin.
Ne arà se mid-ulaula ni Moises rengan. Pehaney ne mibpesabut din te menge etew ke langun ne penduan ne imbehey kandan te Eleteala. Arà pà ne migkuwa rin ke lengesa te menge nati ne sapì wey menge kambing ne impelengesa ne mid-emutan din ini te wayig. Na migkuwa rin ke tangkey te pinemula ne ed-ingaranan te hisup ne ruen bulvul te bilibili ne midtinà te merihà ne mibegkesan ketà, ne in-ered din ini ketà te lengesa ne impirik din dut te riberù ne midsuratan te penduan ne impirik din dema dut te menge etew.
Su rengan ne nepemilì kew te Eleteala ke Amey tew su ini se netahù te itungan din. Nepemilì kew nikandin ne egkevaluy ne menge etew rin ne lunsey se hinawa ran egenat te gehem te Kedesenan ne Ebpetuntul te Menusiyà. Ne iyan din kebpemilì keniyu su apey kew egkevaluy ne menge etew ne eduma ki Hisu Kristu ne ebmetilak ke hinawa niyu rut te lengesa rin ne impetudà din keniyu ketà te kinepeimatey rin su apey egkeawà ke salà niyu. Iyan ku ibpengeningeni ne ebpeneuven kew nikandin wey ebmelintad nevenar se hinawa niyu.