Hibruhanen 11:23 - Ke meupiya ne tudtul mekeatag ki Hisu Kristu

²³ Ne ke menge lukes ni Moises dema, ne ruen tidtu ne sarig dan te Eleteala. Su rut te hewii te kineenaka ki Moises ne ruen suhù te ratù te Ihiptu ne ebpeimetayan ke langun ne menge vatà ne meama te menge Hudiyanen. Ugaid ne warà meandek ini se lukes ni Moises te kenà eduma rut te suhù te datù su in-eles dan sikandin taman te nekedtetelu ne vulan su nekita ran se merayirayi ini se anak dan.

Hibruhanen 11:23 ပူးပေါင်းရင်းမြစ်များ

Mateo 10:28

Ne kenà kew meandek dut te menge etew ne iyan dà egkepatey se lawa niyu, ugaid ne kenà dan ebpekepatey te himukud niyu. Ugaid ne iyan niyu ikeandek ne Eleteala, su kenà lawa niyu rà se egkepatey rin su ruen gehem din te kebpekeantug te himukud niyu riyà te apuy nerakà.

Nenged-ulaula 7:20

“Ne ketà ne hewii ne ruen in-anak ne ed-ingaranan ki Moises, ne merayirayi ne vatà. Ne taman te tetelu ne vulan se kineritan dut te iney rin kandin diyà te valey ran.

Hibruhanen 13:6

Tembù be kenà ki egkeyeyaan te egkahi te, “Ke Eleteala se edtavang kedì, tembù kenà a egkeandek misan engkey se ibped-ulaula te menge etew kediey!”