Hibruhanen 11:19 - Ke meupiya ne tudtul mekeatag ki Hisu Kristu

¹⁹ Su nepegitung ni Abraham se misan ed-imetayan din ke anak din si Isaac su ibehey rin te Eleteala, ne ruen gehem te Eleteala te ebenawen din ded sikandin. Ne benar ne ebpekeiring te nevanew sikandin, su embiya warà ungena te Eleteala si Abraham ne nepatey rin en ke anak din.

Hibruhanen 11:19 ပူးပေါင်းရင်းမြစ်များ

Mateo 12:36

Tentenuri niyu ini su ketà te hewii ne kedtimbang te Eleteala te menusiyà, ne ibpetavak te Eleteala te menge etew ke uman senge tahà ne nelalag dan ne warà rantek din.

Mateo 9:28

Guna su nekepemenayik en si Hisus diyà te valey ne mid-uvey ke deruwa ne etew ne nepisek. Ne mid-insaan din sikandan te, “Menu, ebperetiyaya kew ve te egkeulian ku sikiyu?” “Uya, Mama, ebperetiyaya key,” ke se menge pisek.

Ruma 5:14

Ne inggenat dut te hewii te nekedsalà si Adan taman dut te hewii ne imbehey en ke penduan diyà te ki Moises, langun ne menge etew ne mibpatey sabap dut te menge salà dan, misan ke salà dan ne kenà iring dut te salà ni Adan te midsurang din ke insuhù kandin te Eleteala. Ne ruen ketà te mid-ulaula ni Adan ne ebpekeiring dut te ebpeketundug kandin ne si Hisu Kristu.

Ipisu 3:20

Edeyù kiyu te Eleteala ne mekegehem ne ke edtavang keytew, su misan engkey se ebuyuen tew kandin ne ebpekegaga sikandin te ebpelebiyen din pà ke ebuyuen tew ne muna pà dut te egkesagkew te itungan tew.

Hibruhanen 9:24

Su si Hisu Kristu ne kenà ke valey ne ebpengerapan ne mibeelan dà te etew kayi te ampew te dunya se midlusuran din su ini ne ebpekeiring dà dut te ke tidtu riyà te langit. Ugaid ne sikandin ne midlusud diyà te langit ke tidtu ne ed-ubpaan te Eleteala, ne diyan en guntaan sikandin te etuvangan te Eleteala se ebpeninindeg kenitew.

Hibruhanen 9:9

Ne idledawan arà se ibpenurù kenita te misan ruen pipira ne ibpelengesa ne binatang wey ruma pà ne ibehey ran te Eleteala, ne kenà ini ke ebpekeawà dut te salà te menge etew ne ebpengeningeni ketà.