Hibruhanen 11:10 - Ke meupiya ne tudtul mekeatag ki Hisu Kristu

¹⁰ Ne midtigkeran ni Abraham te iring ketà ne ked-ubpà, su ruen ebpenerengen din ne inged ne kenà bulug egkereetan ne mibeelan te Eleteala diyà te langit.

Hibruhanen 11:10 ပူးပေါင်းရင်းမြစ်များ

Juan 14:2

Merakel se egkeubpaan diyà te baley te Amey ku, ne ebpendiyan a su ebpenehana a te egkeubpaan niyu. Su kenà ku egkehiyen ini keniyu embiya kenà benar.

2 Kurintu 5:1

Netuenan ta te embiya egkereetan en ini se lawa ta kayi te ampew te dunya su iring ini te sabung ta, ne ruen behu ne lawa ne ibehey keyta te Eleteala ne riyà te langit ne kenà en ebpatey taman te taman.

Pilipus 3:20

Ugaid ne langun tew te tidtu ne mibperetiyaya ki Hisus ne kenà iring ketà, su misan ed-ubpà kiyu kayi te ampew te dunya ne ebpendiyà ki te surugà ne ke tidtu ne ubpaan tew. Ne riyà ebpuun dema ini se ebpenerengen tew ne Kerenan tew ne si Hisu Kristu ne mibpeliyu kenitew.

Hibruhanen 11:16

Inemulà se iyan dan egkiyuhan ne arà se inged ne muna pà se keupiya rin dut te mid-ewaan dan, su ini ne inged ne riyà te langit. Ne geina te arà se egkiyuhan dan ne kenà igkeyeyai rut te Eleteala ne edtewahan sikandin te Eleteala ran su ruen en inged ne impenehana rin kandan te ed-ubpà.

Hibruhanen 12:22

Ugaid ne sikitew ve guntaan, ne ini ke ralan te kebpekeuvey tew te Eleteala ne kenè en iring dut te menge Hudiyanen dengan su iring te nekeuma ki en dut te buvungan ne ed-ingaranan te Siyun ne ed-ubpaan te Eleteala ne warà kemetayan din. Ne ini se inged ne riyà te langit ne ed-ingaranan te Behu ne Hirusalim ne ruen egngivungivuwan ne menge suluhuen din dema ne edeyù kandin.

Hibruhanen 12:28

Engketà be ne ebpeselamat ki te Eleteala su ebpekeamung ki kandin te edatù ketà te behu ne dunya ne kenà egkevinasa taman te taman. Ebpeselamat ki wey ed-erapen tew ke Eleteala dut te ulaula ne ebpekesuhat te hinawa rin. Ne ed-edatan tew sikandin ne iduma se kegkeandek,

Hibruhanen 13:14

Su ini se ampew te dunya ne eranà tew rà su kenà ini se ubpaan tew taman te taman. Ugaid ne ruen ebpenerengen tew ne inged ne egkeubpaan tew riyà te langit.

Hibruhanen 3:4

Su langun te baley ne ruen mibaal ketà, ugaid ne ke Eleteala ne iyan mibaal te langun taman.

Imperayag 21:2

Nekita ku ke inged ne ed-ubpaan te Eleteala ne ed-ingaranan te Behu ne Hirusalim ne ibpehunrerenà te Eleteala genat te langit. Mekempet ini se inged su iring te raha ne mekempet se belegkas din su mibpegediran su ed-esawaan.