Hibruhanen 10:8 - Ke meupiya ne tudtul mekeatag ki Hisu Kristu

⁸ Mid-unaan ni Hisus te egkahi te kenà ke menge binatang ne ibpelengesa ran wey ke ruma pà ne ibehey ran te Eleteala ne ebpekesuhat te hinawa rin. Ne kenà din ded dema igkesuat ke menge binatang ne edtutungen wey ke lengesa ne ibehey ran kandin te igkeawà dut te menge salà dan. Ne migkahi rin ini misan netuenan din en te langun ne ibehey ran su atag dut te edumaan dan ke nekahi te penduan ni Moises.

Hibruhanen 10:8 ပူးပေါင်းရင်းမြစ်များ

Marcos 12:33

Ne ini se lalag nu ne id-amin ta ke hinawa ta te edlimù te Eleteala, ne iyan ta ibpeuna sikandin te itungan ta wey rut te langun ne ed-ul-ulaan ta, ne igkelimù ta ke ruma ta iring dut te kegkelimù ta kayi te keytew ne hinawa,” ke se meyterù, “ne iyan pà ini meupiya ne edtumanen ta tumin dè be rut te langun ne binatang ne edtutungen wey ruma pà ne ibpelengesa ne ibehey tew te Eleteala.”

Ruma 8:3

Su ke keduma tew te penduan ne kenà arà se kebpekeliyu tew te salà ne ebayàbayà te lawa tew su geina te warà tew megaga te edtuman ke penduan. Ugaid ne Eleteala red se mibpelihaun keytew dut te kinekeuripen tew te salà, su midsuhù din ke Anak din si Hisu Kristu kayi te ampew te dunya ne pinebaluy rin ne etew iring keytew, ugaid ne warà salà din. Ne kayi te kinepebpatey rin mekeatag te salà tew, ne pineliyu ki te Eleteala rut te kebayàbayà te salà te lawa tew.

Hibruhanen 10:5

Tembù be guna su mehaan en ebpengkayi si Hisu Kristu te ampew te dunya ne migkehiyan din ke Amey rin ne Eleteala te, “Kenà nu iyan egkiyuhan ke menge binatang ne impelengesa wey ke ruma pà ne ibehey ran keykew; ugaid ne iyan nu kiyug ne egkevaluy a ne etew, tembù be impenehana nu en ke lawa ku.