Hibruhanen 10:37 - Ke meupiya ne tudtul mekeatag ki Hisu Kristu

³⁷ Su ruen impesurat ne Lalag te Eleteala ne egkahi te, “Warè en keuhetan din ne iyan ebpengkayi ne ke ebpekeuma. Ne ke kebpekeuma rin ne kenà din edsenggelen.

Hibruhanen 10:37 ပူးပေါင်းရင်းမြစ်များ

Mateo 11:3

Nekeuma ran ne migkahi ran te, “Menu, sikuna ke impesabut ni Juan ne ibpepengkayi te Eleteala etawa ruen duma pà ne egkepenareng dey?”

Lucas 18:8

Igkahi ku keniyu,” ke si Hisus, “mehaan se kedtindeg din keniyu. Kenà egkevungas ke Eleteala ne edtavang dut te etew rin, ugaid ne ketà te edlived kayi ke Impeanak te Menusiyà ne menu duen pè be egkeumaan din ne edsarig kandin?”

Pilipus 4:5

Peketulanged kew dut te langun ne etew. Mehaan en edlived si Hisu Kristu ke Kerenan tew.

Hibruhanen 10:25

Ne kenà tew edlipatan ke kegkevurun tew te ebpengarap te Eleteala apey ki kenà ebpekeiring dut te ulaula te ruma pà ne menge etew. Ugaid ne iyan tew ed-ul-ulaan mulà ne ebpekevaher ki te kebperetiyaya rut te ruma tew su netuenan tew se mehaan en se kedlived ni Hisu Kristu kayi te ampew te dunya.

2 Pedro 3:8

Na menge suled ku ne igkelimù ku, iyan niyu pegitunga ne diyà te itungan te Eleteala ne ke senge hewii ne warà ebiraan din dut te sengivu ne rahun, su diyà te itungan din ne neked-iring se keuhet din.

2 Pedro 3:9

Ne misan egkahi ke menge etew ne edlanganlangan ke Kerenan ne edtuman te impasad din te edlived kayi te ampew te dunya, ne iyan din kenà pà kebpengkayi su ke Eleteala ne mid-inuman din te meadsil mekeatag dut te menge etew. Su iyan din egkiyuhan ne warà seveka rà ne kenà ebpekeliyu rut te kedusa rin, ugaid ne kiyug din ne langun ne menge etew ne ed-engked dut te meraat ne ulaula ran ne ebpeneheewit kandan te kegkereeti ran.

Imperayag 22:20

Na si Hisus ke mibperayag te langun ne insurat ku kayi ne migkahi te, “Uya, benar iya ne mehaan ad edlived!” Egketuman ini! Is, Hisus ne Kerenan ku, egkiyuhan ku ne ebpengkayi ke en!