Hibruhanen 10:32 - Ke meupiya ne tudtul mekeatag ki Hisu Kristu

³² Tentenuri niyu ke hewii te behu kew pà ne mibperetiyaya ki Hisus ne nerayahan en ke itungan niyu. Su ruen merakel ne keresayan niyu, ugaid ne warà meawà ke kerinew te hinawa niyu.

Hibruhanen 10:32 ပူးပေါင်းရင်းမြစ်များ

Nenged-ulaula 26:18

Su sikandan ne arà se ed-ul-ulaan dan ne kenà meupiya ne iring te riyà dan te kerusireman. Ugaid ne pendiyà ka su ibpesabut nu kandan mekeatag kedì su apey ran mekehimerat ne ebpekeengked dan dut te meraat ne ed-ul-ulaan dan ne ebpekearat dan diyà te kerayahan, uya su ebpekeawà dan dut te kegkeuripen kandan te datù te pekaid ne ebpesakup dan en te Eleteala. Su apey egkepesehad ke menge salà dan sabap dut te kebperetiyaya ran kedì,’ ke si Hisus, ‘ne ebpekeamung dan dut te menge etew ne mibpemilì te Eleteala.’

Ruma 12:12

Ne egalewhalew ki ve kayi rut te ebpenerengen tew keuremà, ne kenà ki ebpemivig ke embiya ruen kemeresayan tew, ne layun ki ebpengeningeni te Eleteala.

2 Kurintu 4:6

Su rengan te kinelimbaha te Eleteala kayi te dunya ne migkahi sikandin dut te merusirem ke sikandin te, “Mebmerayag su apey meawà ini se merusirem!” Ne engketà ded dema ke mid-ulaula rin kenami su ke itungan dey ne mibmerusirem, ne mibpekerayag din su apey rey egkekita ke kepurù te Eleteala ne kayi rin impayag te ki Hisu Kristu.

Pilipus 3:16

Ugaid ne iyan iya se ebperumdumaan tew ke langun ne nesebutan tew ne egkiyuhan din.

Kulasi 2:1

Sikiyu langun ne mibperetiyaya ne riyà te inged ne Kulasi wey keniyan te Liyudisiya abpeg ke langun ne warà pà mekekilala kedì, kiyug ku ne egketuenan niyu ke engkey se kebpegelep ku te ebpengeningeni mekeatag te sikiyu.

Hibruhanen 12:4

Su arà te ked-engked niyu te meraat ne ulaula ne ibpenggeram keniyu, ne warà seveka rà ne ed-imatey keniyu atag dut te kebperetiyaya niyu.

Hibruhanen 5:12

Iyan perem dait ne sikiyu se ebpemandù dut te menge ruma niyu su neuhet kew en ne mibpemandù, ugaid ne warà kepekayan din. Inemulà se iyan din pà dait ne edseupan kew pà maa te ebpenurù su misan ke neuna ne penurù mekeatag te Eleteala ne kenà niyu pà egkesebutan. Iring kew te menge vatà ne kemulu pà ne edsusu su kenà pà egkepakey ne egkaan te mekehal.

Hibruhanen 6:10

Su ke ulaula te Eleteala ne metidtu, tembù be kenà din egkelipatan ke meupiya ne ulaula niyu wey ke limù niyu kandin ne impekita niyu rut te kedtevang niyu rut te menge ruma niyu ne mibperetiyaya taman guntaan.

Hibruhanen 6:4

Su ke menge etew ne nesebutan dan en nevenar ke Meupiya ne Tudtul ne nerayahan en ke itungan dan te Eleteala, ne neheraman dan en ke meupiya ne tavang ne imbehey kandan te Eleteala wey ke gehem dut te Kedesenan ne Ebpetuntul te Menusiyà ugaid ne mid-engked dan en te kebperetiyaya ran, ne kenà en egkepakey ne edsaup dan en maa ebpedsendit.

2 Juan 1:8

Tembù be uram kew su apey kenà meawà diyà te keniyu ini se lalew rut te migelevek niyu, ugaid ne ebpekekuwa kew te langun ne impenehana te Eleteala keniyu.

Imperayag 2:5

Tentenuri niyu ke dekelà ne limù niyu kedì dut te pehaney, ne pedsendit kew dut te meraat ne ed-ul-ulaan niyu guntaani ne lived kew dut te neuna ne limù niyu kediey. Su embiya kenà kew ebpedsendit, ne ebeyaan ku sikiyu ne id-awà ku ke sulù niyu diyà te netehuan din.

Imperayag 3:3

Kenà niyu lipati ke benar ne penurù ne nerineg niyu wey midtelimà niyu, ne dumai niyu ini wey engked kew dut te meraat ne ed-ul-ulaan niyu. Su embiya kenà kew ebpekedsendit, ne ebpekeuma a te warà kew mebpenehana su edusa keniyu. Ne ini se kebpekeuma ku ne iring te kebpekeuma dut te tekawen ne kenà egketuenan ke kedlepew rin.